ZELDINNA TLÃNGAH Hman deuh khan kan biak in chhip sang laiah thlahnih chhung vel chu Awke(Chawke) a hram tâwt tâwt mai a, function urhsun neih laia a rawn awk..ee phei chuan nuih a za duh khawp mai.. A echo a awm bawk nen.. Mahse, kha rannung rawn hram vau vau kha Pu Rokunga chu la dam se solfa key nen hla ropui a phuah hial ka ringa, Lal Davida leh Lal Solomona khan han hre ve se sawng, Sam buah emaw thufing buah emaw an rawh dah ngei ka ring bawk.. Solomona khan han hria se zawng, hmeichee inhau hmang tak nena in zau taka awm ai chuan, In chung chhîp kila Awke nena awm a thlang zawk maithei a ni.haha. Lal Davida khan han hre hlauh se, a ni phei hi chu ka Scientist ngaihsan ber a nia, a fans ruhkawl ka ni bawk, hetiang hian han chham tel hlauh se, Lalpa thingte chu a tlai thin Lebanon tlânga sidar thing a phunate chu, Chutah chuan savaten bu an chhep thin, Vacha erawh chu fâr thingte chu a in a ni. Tlâng sângte chu sathâr tan a ni a, Lungpuite chu sazupui tan inhumhimna a ni a, AWKE te chu LALPA biakinah a tawm kûka a a ti maithei bawk.. Hetiang hian ti zawm zat bawk se, Aw sipaihote, Lalpa, ka Lal leh ka Pathin, I maicham bulahte chuan chawngzawngin bu a chhep a, Vamur pawhin bu a nei a, a no dahna turin, AWKE pawhin a sang laiah awmhmun a khuara, a himna kulhbîngsang a ni te pawh a tih hial a ni ka rinni. An rawn hram vau vaute kha aw ngaihnawm a thlirtu tan chuan a ngaihnawm thlawt a, A simtu chu a aw neih zawngin a fak a, a aw kha a nalh miahlo mahse a thûk em em thung tlat. Lal Davida hian chuan a virvawma Goliatha a vawmthluk ang kha chuan he rannung hi chu a vawmthlu phal teuhlo mai, ka chiang,, amah tihnat tum tu Lal Saula that thei a nih laia, a mutthilh hlana a puanfêm hmawr a hlep duh ang chuah khan he AWKE hi chu a tina phal tehlo, A siamtu ropuizia a hre chiang si a. Hmu se chuan Phai khawlumah thing kawrwng chhunga awm thin a nihte an chham tel nghal se sawta saw tuifinrat a awm, nasa tak, zau tak mai chu, sawmiah sawn bawkvâka kal chhiar sen loh a awm a, sa tê leh liante chu a ti a, a sawi tel tho a, hêng phai khawlum vela thing kawrawngte chu AWKE tan inhumhimna a ni han ti ta se... Lebanon vur ram ianga sakruang mawi chu tiin Sam ziakah emaw hian han tel hlauh se, a ngaihnawm dawn mange.. DAVIDA thu leh hlaah hian zeldin tur a tam lutuk a, Article puitlinga dahtham a awm ngei ang. He rannung hi Samsona khan han hmu se, a ni hi a Man ve khawp mai a, kulhkawngka pawh a ban nen a kalhna chawpin tlângah a pu chho luah luah mai kha a nia, ka duh thin a sin aw hepa hi, Awke meiah chuan meichher a tawnbet bîklo turah ngai teh ang. Petera khan han hmu se, a ni hi a phurin a phusa pawlah a tanga, puithiam bawih beng a sahthlak ang deuh khan a khandaih a phawi anga A meiah a lo hlawisak hram ang tih erawh ka hlau fu mai.. Pu rokunga hian han chhamtel tehse aw! Zaipawl hla rem fakzai chu zawm vein, a kil chhîp zum atangin, hlimzai rawn sa e te pawh a ti ve hial ang.. Tlipna: tlipna hi ka siamloh chuan a Bible based nen ka tih avangin minlo dem ka hlau deuh a nia.. Kawhhmuh tum: Sawkhaw dangte hian rannung hi an zah hle thin Dont kill anything an ti bur mai., keini Christianity atang ngat phei chuan Pathian thilsiam ropui tak hi a ropuina kan chhutpui tur a ni a, kan zah tur a ni tawp mai a ni. Aw! Awke... I mawi chuang mange :-( han tag teuh che u ka duhrualin phone atang chuan a theihloh a ni.
Posted on: Sun, 27 Jul 2014 08:54:00 +0000
Trending Topics
Recently Viewed Topics
© 2015