Zu khapburna dan kha hlawhtling mial dah lawm maw ti a House a Introduce ka ni Ex- Law Minister Aizawl March 11 : Nimin khan Dr C.Biakmawia lehkhabu ziah ‘ Zu mawlh hi’ tih chu Aizawl Press Clubah Pu Thanseia, Secretary Indian National Trust for Art & Culture Heritage (INTACH) chuan tlangzarhin he hunah hian sawm bik mipawimawh tak tak an kal tha hle. He Zu mawlh hi tih tlangzarh inkhawm Pu C.Lalrambuatsaiha kaihhruaiah hian tlangzarh tu Pu Thanseian a ziaktu mibik nihna te, lehkhathiam thei a nihna leh khawvel thiamna a degree ngahtak, Sapram thleng a degree la anih thu leh a lehkhabvu ziah chu mihringte hriselna atan a pawimawh leh hriatngai tak, Doctor ziak a nih thu a sawi. Thusawitu dang Pu C.Vulluaia Ex-Law Minister chuan kum 17 kalta a Law Minister a nih lai a tun a Zu khapna dan MLTP Act chu House-ah a Introduce a nih thu leh, a Introduce a a thusawiah pawh, America ramah pawh an hlawhchham tawh, India ram hmun hrang hrangah pawh an lo hlawhchham tawh, Nagaland a Dimapurah phei chuan tuisik aiin Zu hmuh a awlsam zawk tihte a sawichhuah thu leh Mizoramah MLTP Act chu ‘ A hlawhtling mahna’ti a pulut a hmang chho ta a nih thu sawiin, kum 17 chhung MLTP Act hman hnu hian heti hi kan dinhmun a ni a, hlawhtling han tihtur a ni lo a ti. Thu sawitu dang Dr. L.N.Tluanga chuan, Zu in amimal nun a tihbuai loh thu leh a fapa kum 39 tling lova thita chu Zu vang ni a apuh thu sawiin, Zu kan ngaihdan hi kan siamrem deuh a ngaih thu asawi a, Kohhran leh Sorkar chu inep ang deuh hlek a an kal chu pawi a tih thu a sawi a, Zu hi sual a kan ngai ringawt a nih chuan a dikber lo a, a intu pawh sual a ngaih nghal maiawh a dik lo a ni a ti bawk. Lehhabu ziaktu hian zu in thluak a khawihpawi dan te, beng leh mit a nghawng dan te, lung leh thin, pum a khawihdan te leh zuk leh hmuam chungchang thatlohna bakah zuk leh hmuam a kan senso figure te tarlan niin a sawi. - L.T.Sanga, Journalist ( Editor : Morning Post)
Posted on: Mon, 10 Mar 2014 08:41:22 +0000
Trending Topics
Recently Viewed Topics
© 2015