الإصدار الجديد اللي جاي معايا لفريق اسمه Cardinals Folly.. و بما إني دوومر فعادة بيكون ليا عدة وجهات نظر و زوايا للحكم على فريق جديد بالنسبالي إذا كنت هاسمعه ولا لأ, المغريات اللي بتشدني يعني و أهمها هو الألبوم أرت, أو الكوفر زي مابيقولوا ثم ييجي بعد كده عدة أشياء يجب التدقيق فيها زي البلد اللي منها الباند حسب نوع المزيكا المقدمة, يعني مثلا لو دووم أو بلاك و من النرويج هتسمع وانت مغمض و لو ديث من السويد هتسمع وانت مغمض برضو و لو هيفي ميتال من أمريكا أو إنجلترا برضو هتسمع من سكات! .. ثم تيجي بعد كده الليريكس ثيم أو نمط كلمات اغاني الفريق والمواضيع اللي بيناقشها. كل دي زوايا و رؤى بشوف منها اي باند جديد عليَّ قبل ما اخد القرار إني اسمعه او أجربه.. و فكرة إني أخُش اسمعه عاليوتيوب الأول دي فاكسة آخر حاجة بالنسبالي.. أنا أنزل الألبوم, اسمعه كله, و يا يعجبني و أضمه للمكتبة يا يطلع فاكس و ابقى لبسته! المهم, الباند اللي جاي معانا والمذكور اسمه أعلاه, الكوفر بتاعه عبيط شوية أو يعني مالوش معنى! .. لكن اللي شدني انه دووم ميتال طبعا والأهم من ده انه من فنلندا, فنلندا والسويد تسمعه منهم أي نووع اكستريم وانت مغمض, هذه واحدة. تاني حاجة هو انهم بيناقشوا عدة موضوعات تخص قصص الرعب الغريبة لأعظم كتاب الرعب على مر التاريخ إذا اسثنينا منهم ادجر ألان بو.. وهم Robert E. Howard - Dennis Wheatley والعظيم H. P. Lovecraft يعني من الأخر الموضوع مغري, وانا قررت أجرب أسمع الباند وانتوا هتجربوا معايا عافية!.. و يا نعيش سوا يا نموت سوا :)) الـحَــاجْ مِـيـلَانْـكُـولـي
Posted on: Tue, 25 Jun 2013 06:55:55 +0000
Trending Topics
Recently Viewed Topics
© 2015