الباك كلمة تخوف برشا عباد متعاداوش بالباك أما راو عام الباك أحلی عام ..تبكي فيه و تضحك فيه ..تعرف فيه الصاحب الصحيح من صاحب المصلحة .. عام كامل تبدا تستنی في الباك سبور تبدا خايف أما جو متاعو وحدو كالنهار عمرك متنجم تنساه ..و بعد تبدا تعدي أول نهار فلسفة تبدا ترعش أما دوب ما تبدا تقری فاكا الورقة الخوف الكل يبدا يتنحی لين تكمل الجمعة و أنت بكيت و ضحكت و خفت و خممت و حسبت .. بعد تجي بش تبعث الميساج تبدا تدعي و عدك بش تبكي و في الأخر يجي كالنهار لي تستنی فيه عام كامل و تجي كلمة admis تنسی معاها كتعب و السهرية للصباح ..و في لخر ما يابقاو كان الذكريات الحلوة مع أعز صحاب و كل ما تفد تجبد تتفرج في تصاور الباك سبور الحاسل إنشاء الله كلكم admis و الله شي ماهو صعيب تا تراو .. ربي معاكم الكل
Posted on: Sun, 20 Oct 2013 14:17:14 +0000