السلام عليكم النهاردة هنتكلم مع بعض شوية في مجال الاتصالات وتحديدا الموبايل هنبدأ مع بعض نتكلم في كورس GSM ونمشي واحدة واحدة مع بعض بداية أنا مش هدخل علي الجيل الأول من الموبايل لسببين لأن ملهوش وجود حاليا .. دا غير المشاكل الكتيير اللي كانت موجودة فيه وكمان لأن مكنش ليه standard معين وإنما كل بلد كانت شغالة مع نفسها .. بس لو محتاجين تعرفوا (لا تنسي كومنت وسأقوم بشرحه ع السريع ) -------- لازم نعرف بداية أن أي نظام اتصال أساسي لازم يتكون من 3 حجات الأولي: المصدر Source أو بمعني آخر المرسل (Transmitter) اللي بيبعت المعلومة .. التانية : Destination ... المستقبل (Receiver) وده اللي بيستقبل المعلومة الآتية من المرسل التالتة : Transmission Medium الوسط الناقل للمعلومة دي زي الهواء أو كابل التليفون .. من هنا نعرف ان الوسط ده ممكن يكون يعني ببعت المعلومة في سلك "كابل" أو ممكن يكون لاسلكي يعني بستخدم مثلا الهواء كوسط ناقل.... طيب هل في مزايا للوسط السلكي عن اللاسلكي أها طبعا ... يا تري ايهما أحسن لو حبينا نقارن بينهم أهم أوجه مقارنة كالتالي لو بنقارن " Losses نسبة الفقد" في الإشارة ... أكيد الوايرلس أكثر فقدا بسبب ان الاشارة بتتبعت في الهواء فبتتعرض لعوائق ولمصادر Noise اكتر علي عكس ال wired ولو وجه المقارنة ال "Mobility" .. او امكانية التحرك فأكيد الوايرلس أفضل لأنه مش محكوم بشئ علي عكس السلكي اللي محكوم بأسلاك فبيعوق تحركك . طب لو حينا نتكلم عن "Security" أو الأمان ... فأكيد السلك أكثر أمانا لأنه محكوم بسلك فصعب حد يتجسس إلا بالدخول علي السلك الخاص بيك ولو حصلت تقدر تعرف ان فيه حد بيتجسس عليك .. انما الوايرلس أنا شغال في Open Medium يعني وسط مفتوح أي حد يقدر يعمل access عليا وكمان صعب جدا أعرفه .. (بس طبعا استخدمنا في GSM تقنيات ساعدت انها تكون أكثر امانا هنتعرف عليها قدام) طب لو قارنا من وجهة نظر "Bandwidth" أو نطاق التررد اللي هشتتغل فيه .. مينفعش نقارن بشكل عام بس نقدر نقول ان ال wired أو السلكي كل سلك بيكون ليه خصائص تختلف عن التاني وليه كمية Frequencies يقدر يشيلها فمثلا ال Twisted pair (زي سلك النت) غير ال coaxial cable (زي كابل الدش للريسيفر) غير ال Optical fiber أما الوايرلس فالباند band مفتوح لأنه هوا .. بس دا مش متاح كده لأن أنا بكون محكوم بباند معين مش بستغل الهواء ككل بمزاجي أنما في مؤسسة عالمية بتديك باندات معينة نشتغل عليها علشان متبقاش فوضي .. وكل نظام يشتغل علي اللي يعجبه . أخيرا لو قارنا من وجهة نظر ال "cost" التكلفة وخاصة ان احنا مهندسين فالفلوس بتفرق كتير معانا =D منقدرش نقول برضه علي طول ان واحد الأفضل من أول وهلة وانما هتفرق طب علي حسب ايه .. علي حسب المسافة يعني لو المسافة كبييييرة .. الوايرلس يفضل لأنه هيكون أرخص طب لو مسافة قريبة .. لأ مش هحتاج وايرلس ويفضل السلكي لأنه هيكون أرخص في الحالة دي . يعني الفيصل عندي المسافة هي الحكم في ال cost طيب هو ايه المستخدم في الموبايل .. الاتنين ^_^ لو بتكلم عن الاتصال بينك كموبايل وبين tower أو برج الاتصال (اللي بنشوفه ع الطرق واحنا مسافرين أو فوق العمارات) فده لاسلكي انما برج اتصال مع برج تاني لأ ده ممكن يكون سلكي باستخدام الفايبر :D بس طبعا الشائع ان احنا بنتكلم عن الاتصال بينا وبين التاور وبالتالي يبقي الوايرلس هو المستخدم المرة الجاية هنتكلم مع بعض عن أنواع الإرسال المختلفة وكمان ليه استخدمنا النظام الرقمي Digital بدلا من النظام التناظري analog تابعونا مع #Mystery_Team M_R
Posted on: Sun, 15 Sep 2013 22:20:00 +0000
Recently Viewed Topics
© 2015