السلام عليكم ؛ نا عارفة هاد المشكل بزاف ديال الناس غادي يستهزؤو مني ولكن انا بغيت نعاودو لاكبر عدد من الناس ... انا فتاة فعمري 20 عام العام اللي شديت فيه الباك كنت دفعت لفرنسا و تقبلت ولكن اللي غادي يضمني معنديش بابا مافحالوش ، تقبلت ف 2 جامعات ، و الاقسام التحضيرية ، و بتس ؛ المهم ، معطاونيش الفيزا ، و اصلا معندي حتى واحد تما لا يعني القادية ماشي هيا هاديك ، دابا انا ف سنة ثانية جامعة و الحمد لله متفوقة ف دراستي ولكن والله العظيم حتى التفكير ديالي كآآآآآآآآآآامل ليل نهار صباح مساء كنفكر غير برآ ، باغيا نمشي ب اي طريقة ، فيزا عن طريق القرايا منقدرش راه الضامن مكينش ، فيزا عن طريق نلقا خدمة من مورا منسالي قرايتي هادي محآآآآآآآآآال ، الزواج فكرت فيه ولكن خايفة نظلم شي ولد الناس نكون ممقتانعاش به بزاف و نوافق غير باش نمشي . مع العلم تقدمو ليا 3 عرسان فالخارج و رفضت . نهار على نهار كنسمع بنات جيرانا و ولاد دربنا مشاو ولكن الاغلبية كيمشيو بالضامن ( و الضامن هو الله ) ولا عندهم العائلة تماك . حسييييت براسي مرضت .... لدرجة انني ديما ديرا جووجل مابس و كاندور ف الشوارع اللي حفظتهم ... و باغا برا لهدف نبيل والله العظيم بغيت غير نخدم على العائلة ديالي و نصرف عليهم ، لا اقل ولا اكثر ... ولكن الخدمة فامغرب والووووو مبقيتش باغا نزيد مازال هنا . نصحوني الله يجازيكم بالخير سكينة !!!
Posted on: Wed, 04 Sep 2013 22:26:16 +0000
Trending Topics
Recently Viewed Topics
© 2015