اللهم لا شماته الواحد كان اخد على نفسه عهد انه ما يتكلمش عن حاجه خالص اليومين دول وانه يدخل في صمت يراجع فيه افكاره يجلس في مقعد المتفرج لاول مره من زمن كنت بقعد اتفرج على منصه رابعه رغم ما يبث عليها من عته وجنون ورغم زعيق اخواتي علشان اغير لان ضغطهم ارتفع كنت بقرا تصريحات قاديتهم وبشوف تغير مواقفهم وتلون جلودهم وفي المقابل بتفرج على كلام ناس من المعارضه وبتابع مواقفهم وتلون جلود بعضهم وكمان بتفرج على ناس من شاكله على بطنه ينور على جنبه ينور على ضهره ينور وقاعد بتفرج على نفسي المهم تطلع بايه تطلع بان الاخوان اثبتوا بكل جداره انهم تجار شاطرين جدا يقدروا يتاجروا باي حاجه خيالهم اكبر من خيال Steven Spielberg حولوا صراع سلطوي بحت لصراع ديني وحاجات كتير بس ده مش مكانها ولا ده وقتها اما عن المعارضه ففيه كتير منهم معندوش اي مانع انه يبيع مبادءه يقبل الي كان بيرفضه اما الجماعه الي بينوروا دول فملهمش وصف نيجي ليا بقى انا في كتير من مناقشاتي مع صحابي من الاخوان مكنتش بفرق عنهم كتير كنت ساعات وبدون شعور ببر اشياء انا رافضها في الاصل وبحاول اقنع الشخص الي قدامي بكلام انا مش مقتنع بيه اصلا بس وللحظه لما بحس بالتصرف المقيت ده براجع نفسي وبحس بالاحتقار لابعد حد انا كتير اعتذرت عن كلام قولته ودلوقتي وقت مناسب جدا اني اعتذر تاني عن كتير من كلامي وافعالي معتقدش ان فيه حد يقدر يوصف نفسه بانه موضوعي او حيادي ولكن ما اعتقدش ان تربيه والدي ذهبت ادراج الرياح مازال عندي بعض المبادئ لترشدني الحكومه والسلطه التي لا تحمي المواطن ايا كان انتمائه فاشله القيادي في اي تيار الي بيدفع مناصريه للشارع دون اي مسئوليه فاشل والي بينزل الشارع علشان يدافع عن فاشل فاشل والي قاعد بيتفرج على الدم باريحيه فاشل يعني بحسبه بسيطه جدا احنا كلنا فشله البلد ده مش محتاج فشله مازلت عند موقفي الجماعه فاشله رئيسهم فاشل المعارضه فاشله لست مع النزول للشارع الان الوضع حقا مذري الدم حرام وحسبي الله ونعم الوكيل
Posted on: Sat, 20 Jul 2013 21:05:18 +0000
Trending Topics
Recently Viewed Topics
© 2015