اهلي و عشيرتي :D لم اكن انتوي الكتابه .......... ولكن منعا للقيل و القال ها انا هنا احدثكم اليوم حديث الزئلوط للزئلوط دون تكلف :D في ناس وصلت لمرحله ان لو الاخوان قالوله امك شريفه حيقولهم لا دي منحرفه بقي .... لمجرد العند و الكره .... و العكس موجود في الفصيل التاني و في ناس مبدأها ان لازم انا اللي اطلع صح و طز في اي حاجه تانيه و في ناس فعلا همها و قلبها علي البلد من كل الاطراف .... لكن مش قادرين لا نسمع بعض ولا نستوعب بعض .... و لسه كتير علي المرحله دي انها تيجي وفي ناس مش عايزانا نعيش اصلا ..... لا حلو ولا وحش دكاترتي و صحابي من المعارضين و المؤيدين ... معتقدش ان ممكن اي حد يكون زعلان مني لمجرد اختلاف اراء و الا تبقي المشكله شعب كامل باخلاقه لازم يتغير ... مش مجرد تغيير سلطه .... و اكيد انا مش زعلان من اي حد اختلفت معاه في الرأي في يوم من الايام :) كنت ولا ازال مؤيد لبقاء مرسي .... لاسباب او حتي من غير اسباب ده حقي و رأيي .... مع كامل الاحترام للمعارضه في التظاهر السلمي و تجنب الاحتكاك مع المؤيدين .... و ادانه و تغليط الطرف اللي يبدأ بالعنف سواء من هنا او هنا الدين و الوطن اهم و اغلي مننا كلنا ......... وان شاء الله حيفضلوا و حيعلوا و يكبروا مهما كلنا استعبطنا او غلطنا ان كان تأييدي لمرسي سيجعل المعارض له يقتلني .... فأنا من المؤيدين له و لو ظلم و ان كانت مجرد معارضه مرسي ستجعله يقتل علي يد المؤيد ..... فأنا من المعارضين له ولو عدل لو كنا من الغباء بحيث منقدرش نتعايش مع بعض و احنا مختلفين .... فياريت نكون من الذكاء اننا منقتلش بعض في الاخر ..... نعور علي خفيف بس يعني :P :D :D . . و السلام ختاما طب والله انفع رئيس :D .... يلا الحمد لله علي كده :D
Posted on: Sat, 29 Jun 2013 19:17:45 +0000