اهم ما يميز series عبقرية زى Breaking Bad هو الاهتمام بالتفاصيل ! زى ال chemistry ماهى محتاجة الدقة المتناهية والخطوات المدروسة والمحسوبة جيدا ,كذلك كانت شخصية البطل والتر وايت .. كان واضح ده جدا من حسابه بالظبط بالدولار والسنت اولاده محتاجين كام عشان مصاريفهم الدراسية , كون ايامه معدودة على الارض بعد اكتشاف ان عنده cancer .. ثم كان الالتزام بالدقة فى عملية ال cooking شىء بديهى , ب انه عاوز يطلع افضل منتج ممكن ب اْنقى جودة ممكنة ! حلقة الذبابة مثلا خير دليل .. وكمان طريقة غسيله للاموال , وتعامله مع العقبات بداية من شرطة مكافحة المخدرات وال cartels المختلفة لاسرته ل شطحات جيسى بدهاء وعبقرية .. مشكلة والتر ان اْهم حاجة عنده هى الاسرة ..هو اكيد ماعندوش مانع يقتل اعداؤه كلهم عشان يحمى اسرته.. حتى لو لم يمثلوا خطر مباشر على حياته ..زى الواد اللى قتله the Todd بدم بارد وقامو بعد كده ب افناء الجثة بالمواد الكيميائية فى برميل ! والاسرة دى كانت تشمل جيسى بينكمان طبعا بجانب جوز اخت مراته , هانك ..على الرغم من تمثيل الاتنين خطر كبير على امبراطوريته .. وكان بداْ يحل الموضوع ده بعبقرية لما اقنع مراته تشتغل لحسابه وتغسل له فلوسه ! الseries كانت ماشية بقوة صراحة فى اتجاه ان هايزنبيرج هايبقى جوستابو فرينج الجديد .. بل هايبقى مسيطر على السوق العالمى بعد ما دخلت ليديا فى الموضوع لغاية ما فاجاْة وبدون مقدمات هايينزبيرج retired ! فى حاجة غريبة هنا ! التفسير الوحيد للتغير الدراماتيكى الكبير اوى فى الاحداث بداية من الحلقة الثامنة فى الموسم الخامس الى حلقة الاسبوع اللى فات ان كُتّاب السيناريو عاوزين ينهوا الseries باى طريقة ..والنتيجة تحول هايزنبرج العبقرى الدموى المهتم بالتفاصيل الى واحد اهبل طرى متهور وبالعكس هانك بقى العبقرى عشان يموت او يتمسك او يسلّم نفسه ! واضح جدا من المشهد الاخير فى الحلقة بتاعة الاسبوع اللى فات انعدام الاهتمام بالتفاصيل نهائى لما the Todd وعمه والشلة بتاعتهم كانو واقفين under cover وهانك وصاحبه كانو واقفين من غير حاجة , وساعة تبادل اطلاق النار مفيش ولا واحد من عصابة the Todd اصابوهم برصاصة واحدة !
Posted on: Fri, 13 Sep 2013 08:17:46 +0000
Trending Topics
Recently Viewed Topics
© 2015