بقا إسمى فى وسط الناس متأسلم وبمشي يا ناس فى عرض الحيط عشان اسلم ولا نافع لقيت نفسي بغير خطة الهجوم يادوب اللقمة باكلها وبلحق أقوم عشان عن عرضى انا ادافع فى أى مكان ماتعدم حد يشتمنا وممكن حتى يحبسنا يحاصرنا فى باب جامع وبعدما كان تشوف حلمى من الأقصى وأنا راجع بقى حلمى أصلى فى زاوية عالشارع عشان مين !؟ عشان مين يا ابن بطن أمى تعاتب أخوك بقناصه وتفرح لو تشوف دمى وتطفى حياتى برصاصة بلاش الضحكة يا شامت ماتضحكهاش عشان الدم مابينساش ، بتضحك ضحكة خوافه ولما تلاقى جثة أخوك ماتحرقهاش و ماتشيلهاش بس كمان ماتكنسهاش بجرافة وبدل ما تتراجع وتندم عاوزنى أطبلك وأغنيلك أغنيلك إيديك تسلم !؟ حاضر ،، هغنيلك لكن يا ريت قبل أما تسمعها تغسل دمى من إيدك
Posted on: Sun, 15 Sep 2013 16:46:22 +0000
Trending Topics
Recently Viewed Topics
© 2015