بليز نزلى سؤالى بس من غير اسمى... انا دلوقتى عندى 23 سنة مخطوبة بقالى سنة و نص لابن عمى عن حب الحمد لله بس هو باباة (اللى هو عمى) متوفى من 25 سنة و هو اللى بيجهز نفسه و مامته بتساعده شوية على قد ما تقدر لانها طالعة عالمعاش...لما جم يتكلموا مع والدى اتفقوا على كل حاجة و قالوا مش حنجيب شبكة دلوقتى عالخطوبة يعنى و حنجيب الشبكة مع كتب الكتاب بعد سنة ونص بابا قالهم موافق و فالخطوبة جيبنا دبلة و محبس و خاتم و اسورة خفيفة كلفوا 7 الاف المهم احنا الحمد لله خلصنا تجهيزات الشقة و بصراحة هو عملى كل اللى انا عايزاة فى حدود الامكانيات طبعا و كان بيقولى على ان المصاريف كتير و كل حاجة غليت..سؤالى بقى المفروض ان احنا فاضل على جوازنا شهرين ان شاء الله انا خايفة يجى يقولى مش معاه فلوس للشبكة عشان الشقة خدت كل الفلوس...اعمل اية انا بقى بصراحة كل التجهيزات كانت فى الشقة اللى هى بتاعتة فالاخر انا نفسى يجيبلى هدية دهب عشان لو مجتش دلوقتى صعب تيجى ولا بعد 10 سنين احنا محددناش مبلغ خالص...انا عايزاكوا تقولولى لو هو قال مش معايا فلوس للشبكة نرد نقول اية بس مش نكن شكلنا ماديين و هو اصلا من حقى...انا بحبه اوى بس فى نفس الوقت مش عايزة اتنازل عن الحق دا..مع العلم ان كان فى حاجات يقولى بلاش منها عشان غالية قولة طيب مش مشكلة عادى...و مامتى عاملة تقولى ماتتنزليش عن حقك عشان اللى بيتنازل مرة بيفضل طول عمره يتنازل...سورى انى طولت عليكوا يارب تفيدونى.....
Posted on: Wed, 14 Aug 2013 14:17:46 +0000
Trending Topics
Recently Viewed Topics
© 2015