خويا الأدمين الله إحفظك نشر لي هاد الرسالة لكن بدون إسم عفاك السلام عليكم و رحمة الله انا شاب مغربي تنقرا فواحد المدرسة تتخرج مهندسين الدولة ....الحمد لله تنحاول نطبق شعائر الدين ديالي رغم الصعوبات لتنوجهوها حنا الشباب من فتن إلخ... الحمد لله معمرني حديت شي بنت ألا كانت عندي شي علاقة غير شرعية مع شي فتاة..... لكن خفت لنتفتن و أضيع كل مبنيت حيت الشهوات كثارو و المحيط لفيه أنا متشجعش على الالتزام خصوصا فالمدرسة تنبان غريب على الناس رغم أنهم تحترموني لذلك فكرت أني نتزوج..... عرضت الأمر على والديا الحمد لله وافقو و قالي الوالد أنه مستعد إإعوني حتى نكمل هاد العامين لبقاو ليا أنخدم ...الحمد لله الوالد ميسور شويا و إلى عاوني باش نتزوج هادشي ماغدي أثر عليه فوالو لكن رغم كل هادشي أنا باقي حاير خصوصا فاش تتنتلاقا مع شي وحدين أتبداو عليا راه غادي تندم أ راه مازال الحال عليك خاليك حتى تعيش حياتك أ تبني مستقبلك راه الحياة صعيبة أحشوما اصرف عليك باك الخ... دابا أخوتي بغيتكم تتعاونني أتعطوني الأراء ديالكم راه مهمين بالنسبة ليا أ راه كل واحد فيكم عندو تجربة فالحياة أنقدر نستفاد من التجارب ديالكم.... بارك الله فيكم.
Posted on: Tue, 20 Aug 2013 21:17:11 +0000
Trending Topics
Recently Viewed Topics
© 2015