سنفترض ان البرادعي كان اترشح و دخل الأعاده أمام شفيق و كسب ( و كنت هديله صوتي بلا تفكير ) ،، و بعدين قام رجع مجلس الشعب اللي حله المجلس العسكرى ، كنا كلنا قلنا راجل و إحنا وراه ، و لو كان أقال طنطاوي و عنان و النائب العام و عمل إعلان دستوري كنا هيصنا و قولنا أيوة كدة بقي ،، يللا يا بوب يا ثورئ يا عظيم يا سابقنا ب 300 سنه ضوئيه ... إنما غلطه و مشكلة مرسي انه افتكر نفسه رئيس عادي ، و دي الغلطة ، و ما عملش حساب انه اخوان ، و ان الناس أصلا متوجسة منه خيفة ، فكان لازم يثبت حسن النية كل يوم كل يوم كل يوم حتي تطمئن الجموع ، و بعد ما تطمئن ، يثبت حسن النية تاني كل يوم ، كان هايبقي أحسن سفير لجماعته علي مدي التاريخ ، بس هو اتصرف .. عادي . إنما الناس اللي نازلة تموت دي النهاردة ، و سايبة بوستات فيها " أبقوا ارفعوا جسمي علي كتافكوا ، و لفوني بعلم بلدي ، و خلي بالك من العيال يا باتعة " و الحاجات دي ، دول هايموتوا لييييه؟ شتان بين من استشهد في القناة ، أو في المضايق ، أو في خان يونس .. و بين من سيموت في ش الميرغني النهاردة و بكرة ...
Posted on: Sun, 30 Jun 2013 11:22:33 +0000