عزيزي الدركي...المنتشر في الضاحية: بما ان وجودك الكريم اصبح امر واقع في الضاحية الجنوبية, اليك بعض التوصيات للتعامل مع اهل الضاحية. 1- إياك والدخول في جدال عن المقاومة وسلاحها. 2- إذا رايت احد المسلحين في الشارع اتل الآية : فمنهم من قضى نحبه ومنهم من ينتظر وما بدلو تبديلا 3- عليك بضرب صحبة كل الشباب اللي بالمنطقة وخصوصا صبي الديليفري تعول الاراكيل, صدقني لح يصير اعز صديق قد ما لح تشوفو. 4- لمن تحمل دفتر الظبوطة, طلوب مت المديرية انو يطبعو على نهاية الظبط " اللهم لا نسألك رد القضاء ولكن نسألك اللطف فيه " 5- اذا صار مشكل حدك وبلشت الناس تصرخ وين الدولة وين قوى الأمن ؟ نصيحة صرّخ معهن وين الدولة وين قوى الأمن ؟ 6- انسى شو تعلمت بمدرسة قوى الامن من طرق اقناع وتفاوض, استعمل كلمة " والامامو علي " وبتشوف العجب 7- اذا صار تلاسن بينك وبين حدا من اهل الضاحية, قللن انك من اللجنة الامنية تعيت الحزب وما تنسى نقطة رقم 6, احلف بالامامو علي ليصدقوك. (captain)
Posted on: Tue, 24 Sep 2013 15:44:10 +0000
Trending Topics
Recently Viewed Topics
© 2015