لحظة تحسّن الحال و ارتفاع المعنويات :) بعد متابعتي للبث الحي من داخل مسجد الفتح لمدة اكتر من 10 ساعات متواصلة وأنا قاعدة في البيت مفيش في ايدي غير الدعااء،دعاء الخوف وفك الكرب والخوف من سلطان!!...حسيت ان الدنيا اسودّت وان مفيش أمل ..وان الظلم دة ازاي هيُرفع عنّا في ظل ان اللي بيقتلنا شرطة وبلطجية وجيش !! وان الكدب والقرف بتاع الإعلام شغال والناس عادي بتصدّق رغم ان اي حد حضر البث ممكن يتشل من ان ازاي بيكدبوا كدة... وبعدين قلت قصاد ربي مينفعش اسكت وانا عارفة ان دة كدب ..كتبت اللي حصل وشرحته بالظبط..وبعد كدة حد ربنا يباركله عمل فيديو بالكدب والرد عليه من البث ... بس طبعاً فيه ناس اللي ربنا كاتبلها تشوف الحق بتشوف...والله المفروض يسجدوا سجدة شكر لدة..واللي....فاكس عشان أعصابي..المهم حسيت من الظلم اني مش عارفة اتنفس وان قلبي هيطلع لبرة و ينفجر ،ورغم اني هموت من التعب ومحتاجة أنام..مش عارفة،قلت اسمع قران ،جبت قناة الرسالة الأول لاني بحبها وافتكرت خبر إقالة د/طارق سويدان ..لوقوفه ضد الإنقلاب !!لقيتهم جايبين اَخر سورة يونس بصوت الشيخ ماهر.. افتحوها دلوقتي وركزوا في كل اية..وركزوا في اَخرها !! كأنها مبعوتالنا والله...أنا اما بتعب بقرأ مريم،إبراهيم ،طه ،يس لكن يونس !! كأني أول مرة اسمع الاَيات..بجد سبحان الله !! بكيت وهديت وقلت الحمد لله...سامحني يارب ان فيه يوم شكّيت ولو للحظة ان الظلم دة مش هيّرفع عنا.. ولأن السورة خلصت قلبت علي قناة المجد وقلت القراَن ريّحني أوي، هنام عليه..قلبت لقيت الختمة المرتلة...سورة يونس...بسم الله الرحمن الرحيم والشيخ نعينع بدأ يقرأ !!! لا دة ربنا عايزني اركّز فيها من أوّلها..قعدت و...سمعت ..وجت نهاية سورة يونس تاني..ربنا بعتهالي تاني... وبيقوللي ركّزي .... بجد إحساس رائع إن ربنا سمع تضرعك طول الليل وإنه أبداً مش بعيد..والله قريب أوي..أكتر ما احنا متخيلين !! ساعتها معنوياتي بقت في السما بعد ما كنت حاسة اني هموت من الحسرة... خلصت السورة..قلت هنام قدام التليفزيون..بدأت الختمة المنوعة... سورة يس .."قال يا ليت قومي يعلمون..بما غفر لي ربي وجعلني من المكرمين"صدق الله العظيم ..دلوقتي الناس اللي احنا موجوعين عليهم انهم اتظلموا وماتوا غدر وبطرق بشعة نفسهم ان احنا نعرف قد ايه هما مبسوطين ومنعّمين وان بالنسبة لهم الدنيا دي كلها ولا حاجة ونحسبهم في جنة الخلد ولا نزكّي علي الله أحدا..وانهم عارفين ان النصر قريب... وبعدها سورة الصافات ..."قفوهم إنهم مسئولون "صدق الله العظيم ربنا مش هيسيب الظالم ،كنت فاكرة في الاخرة بس في الايات سمعت اية..عذابهم هيبقي في الدنيا والاخرة ومش هما بس...وكل من اتّبعهم..وهييجوا يتبرأوا من بعض يوم القيامة بس ساعتها كل نفس بما كسبت و محدش بيُظلم عند المولي !!! بعدها قرأت اذكار الصباح لأول مرة بتفاؤل مع التضرع...أول مرة أنام بسلام من أسبوع وشوية تقريباً...نايمة وكلي ثقة في الله...وصحيت علي نفس الحال...لحد خبر اللي اتقتلوا تاني..وبعدين افتكرت الاَيات ،ساعتها قلت ،أنا لسة زي ما وعدتك يارب ،عمر ما ثقتي فيك انك ترفع الظلم عنا ما هتتهز ، كلنا سننتظر نصرك الذي وعدت وسنأخذ بالأسباب باننا نقف ضد الظلم بهتافنا السلمي وبنشرنا للحقيقة التي يحاول البعض طمثها لعل قلوب من لديه قلوب تُفتح لتري الحق،ولعل الضمائر تستيقظ... ولكن "لو علم الله فيهم خيرا لأسمعهم"، ولكن لأنه سبق في علمه أنهم سيتولوا وهم معرضون، لم يسمعهم... "انها لا تعمى الابصار ولكن تعمى القلوب التي في الصدور" صدق الله العظيم تفائلوا خيراً ،فليس لها من دون الله كاشفة :)
Posted on: Sun, 18 Aug 2013 23:50:27 +0000
Trending Topics
Recently Viewed Topics
© 2015