مان لیا کہ ملالہ کی تقریر لکھی ہوئی تھی، کسی گورے کی لکھی ہوئی تھی۔۔ مان لیا کہ ملالہ کو خوامخواہ شہرت دی گئی۔۔ مان لیا کہ ملالہ کا یوں منظر عام پر آنا “عالم اسلام” کے خلاف ایک بھیانک سازش ہے۔۔ چلیے یہ بھی درست کہ اسے برطانوی شہریت اسی وجہ سے دی گئی کیونکہ یہ کسی بڑے منصوبے کا حصہ ہے،، میں یہ بھی مان لیتا ہوں کہ وہ “ڈائری” جو بی بی سی اردو میں ملالہ کہ نام سے شائع ہوئی وہ بھی من گھڑت ہے۔۔ ہاں۔۔!! امریکی سفیر یا دیگر غیر ملکی نمائندوں سے اپنے ماں باپ کے ساتھ ملاقاتیں بھی ایک سنگین “پاپ” ہے۔۔ مزید یہ کہ ملالہ کا باپ جو سکول چلاتا تھا وہ بھی ایک “صیہونی” ادارے کی مالی مدد سے چلتا تھا، اور ملالہ کا حصول تعلیم کا شوق بھی “تہتر” کے آئین کی رو سے گناہ کبیرہ تھا۔ یہ بھی درست کہ ملالہ کو کبھی کوئی گولی لگی ہی نہیں اور اسکا ثبوت وہ چند تصویریں ہیں جن میں ایک جگہ سٹریچر پر ملالہ نے نیلے رنگ کے کپڑے پہن رکھے ہیں اور پھر جب اسے فوجی ہیلی کاپٹر کے ذریعے ملٹری اسپتال منتقل کیا جا رہا تھا تو اس کے کپڑوں کا رنگ گلابی تھا۔۔ اور یہ بھی کہ کوئین الزبتھ اسپتال برمنگھم سے روزانہ کی بنیاد پر ملالہ کی صحت کے بارے جو پیغامات اور ویڈیوز نشر ہوتی تھیں وہ بھی ایک ڈرامہ تھا۔۔ مزید کچھ؟؟ چلیں یہ سب مان لیا۔۔ ان اعتراضات پر من و عن ایمان لایا جانا چاہیے۔۔ کیونکہ اس کے بغیر ایمان ادھورا رہ جانے کا قوی خدشہ ہے۔۔ آج سے میں ملالہ کو سپورٹ نہیں کرونگا ..آج سے میری سپورٹ ڈاکٹر عافیہ صدیقی کو ہو گی اگر اس نے امریکہ سے وفاداری کا حلف لے لیا تو کونسا گناہ کر دیا امتی تو ھے وہ ...اگر عافیہ نے پاکستان کے لئے کوئی تیر نہیں مارا تو کم از کم امریکیوں پر حملہ تو کیا کم از کم القائدہ کا ساتھ تو دیا تو چلو اسی طرح شاید میں بھی جنّتی ہو جاؤں اور مسلمان کہلوانا شروع ہو جاؤں ...آج سے ملالہ گی جہنم میں ..اپنے ایمان کی تجدید کر کہ آج سے عافیہ دختر امریکہ زندہ باد اوہ دختر پاکستان زندہ باد ....شکر ھے آج ایمان مکمل ہو گیا
Posted on: Sat, 13 Jul 2013 20:01:46 +0000
Trending Topics
Recently Viewed Topics
© 2015