ماهو الستراس (stress) أن تعمل 8 ساعات متواصلة في عمل شاق و ممل و في آخر اليوم تحل شوية الفايسبوك باش تكونكتي إنتي هكاكة و يدخل عليك المدير يلقاك مكونكتي ... إنتي مازلت باش تحل فمك باش تحكي معاه و تفسرلو يقوم يسخسخك و يخليك تفركس على قطع غيار كرامتك المندثرة من هنا و هناك ، ونتي هكاكة راسك كبر مالبخس تجي مروح تخدم الكرهبة تقلك و الله ماني متحركة كان ما تعيط لصحابك يعملو دزة ، إديماري الكرهبة كان بعد ما عروقاتك تولي شرتلة ، حوايجك رثة و تتهنتل قدام صحابك إنتي هكاكة في الكياس مروح و في لحظة غفلة تضرب مرى في الطريق تجي ما في عينها بلة و لا يا معلم تطلع حبلة ، تزرب باش توصلها للسبيطار ... و تبدى تستنا تستنا تستنا لين يخرج الطبيب كي صبع الطباشير يضحك تقول حليت باكو سمايل و يقلك مبروك وليد يتربى في عزك فهمتلا وجهك يتقلب كي السوردي لا يا doc ماهوش ولدي... إنتي هكاكة مازلت ما كملتش كلمتك و المرى تقوم تعيط : يكذب يا doc ، بوه راهو ، أيواش وقتها يطيحلك لهواء و تطلب التحليل الجيني، و تجي نتيجة التحليل بعد وقت وجيز و يقللك الطبيب: أنت راك موش بو الطفل ماغير ما تشعر تتبلنجا عالdoc و تعنقو ... و إنتي هكاكة في البوزيسيون هذيكا يوشوشلك في وذنيك و يقلك تعرفش علاش موش ولدك ؟ خاطر سيادتك ما تضناش .... شفتو هذا الكلو ؟ قريتو إلي صار الكل ؟؟ هذا ماهوش ستراس (stress)... الستراس هو انك تكمل تسوق كرهبتك ونتي مروح يا معلم تبدى تخمم في المفرخة إلي عندك في الدار ولاد شكون هع هع هع
Posted on: Mon, 18 Nov 2013 19:27:53 +0000
Trending Topics
Recently Viewed Topics
© 2015