من معاناة صديق بحلب بنقل كلامه حرفياً .. و خرا عالجيش الحر و الهيئة الشرعية : "لازم تشكرو السماء لانو ما زلت بيناتكون هون ....... اليوم نزلت ع معبر الموت مشان جيب غراض للبيت و صارت أحداث أكشن كتير و منها انو قالو للعالم اشترو غراض منخليكن تطالعو غراضكن لمدة ساعتين بس بعد شي نص ساعة ما عاد يخلو اي شخص يطالع معو بطاطاية ! ف صارت مظاهرة قوية ضد الجيش الحر و صارت تنادي شعارات متل "واحد واحد واحد الشعب الحلبي واحد" و "فكو الحصار" و كان الرد انو صارو يرشو رصاص بالهوا بس العالم ما خافت ....... فا رشو عالصايب و مات شب و انصاب واحد تاني و بالأخير ما انفضت الا رشو برشاش مضاد طيران !!!! و صارت العالم تركد و زحمة و حشود هائلة و فوق هالمصيبة انو تسكر المعبر مافي رجعة باتجاه مناطق النظام لأنو قناص القصر البلدي "تابع للنظام قنص 4 أشخاص فا ما عاد في حدا يطلع ... و المصيبة انو اعلنو انو المنطقة صارت عسكرية و رح يتسكر المعبر ابتداء من بكرا و بهالحالة أنا بعلق للأبد لأنو هاد الطريق الوحيد يلي صاير بين النص الشرقي و الغربي !! و المصيبة انو كتير شعور خرا لما بتشوف شباب مقنوصين و عم يتم اسعافن على عربية خضرة ! و انت لازم من نفس هالطريق ترجع ع بيتك !! فا بالأخير تركت الغراض يلي اشتريتا بالأرض و طلعنا انا و رفيقي من الحاجز قلنالن منطلع ع مسؤوليتنا فطلعنا و اشتغل الركد بسرعة الريح و أنا عم اركد انقنص واحد كان عم يركد وراي برجلو !! بس بصراحة ما استرجيت اسعفو و كملت ركد .... صارت لسة كتير احداث تانية مافي مجال لأحكيا بس انو كان يوم تاريخي بحياتي ... وما رح انساه ... و كرهت الشعب السوري و الجيش الحر للأبد و شكراً."
Posted on: Tue, 09 Jul 2013 21:46:30 +0000
Trending Topics
Recently Viewed Topics
© 2015