موقف مرعب وحصلي بجد ومعرفشي تفسيره لحد النهارده انا في يوم كنت عايزه انام ودماغي بقت تقيله خالص بس لسه عيني مرحتشي في النوم بس كنت مغمضه وبعدين لاقيت اوضة النوم بقت كلها لونها احمر والدولاب اتغير مكانه والتسريحه اتغير مكانها وايد واحده نملت اوي زى المشلوله بالضبط وبعدها بقيت جسمي كله زي اللى اتشل بردوا وعيني مش قادرة افتحها وعماله اقاوم واحرك في ايدي ورجلي عشان اشوف فيه ايه مش عارفه ومش قادرة وبعدها بدقيقتين فوقت بس مفزوعه وكنت خايفه اوي والصبح حكيت لاهلي اقتعوني انه اكيد حلم بس انا متاكده انه مكنشي حلم بس شلت الموضوع من دماغي عادي وبعدها باسبوع بردوا جيت انام لاقيت ايدي نملت وبعدها جسمي وبردوا بقاوم عشان افتح عيني ومعرفتش غير بعدها بوقت قصير بردوا والحكايه دي اتكررتلي لمده شهر ومكنتش بعرف انام نهائي من خوفي وكنت اقوم مخضوضة الصبح واعيط من اللى بيحصلي بس الحمد لله الموضوع ده بقاله سنتين ومحصلشي تاني ولحد النهارده معرفشي السبب #hager
Posted on: Tue, 29 Oct 2013 01:18:01 +0000
Trending Topics
Recently Viewed Topics
© 2015