ထီကရုိ.န၀္. အ၀္းနီစားန၀္သြဴ။ န၀္ဖံုးန၀္ ထီတရီ (fresh water) တြမ္း ထီဆံု(salt water) န၀္.သြဴ။ ထီတရီသီးမ်ဳိယိုန၀္. ထီကအ၀္းဒါး ေသင္းတႏိြဳင္တန္ကိုဖံုး၊ ေကာင္ျခာလံုးလိုင္းခါးကိုဖံုး ကထြက္.ျခြဥ္းလင္ေသာ့ဒ်ား ထီေခ်ာင္ဖံုးန၀္. ဟဲ့ ထီတရီန၀္.သြဴ။ ထီတရီသီးမ်ဳိးန၀္. လို.သီးအတား ဆိြဳ.ရဲင္ေရတားဖံုး နမ္းေၾကာင္းစင္ေရတားဖံုး အဓိကအေရတန္ ထြာအထ်န၀္.သြဴ။ ထီဆံုကရိုန၀္. ပင္းလယ္းသမုဒၵရားကိုဖံုး ကအ၀္းယိြဳင္းခ်ာငါဒါးထီဖံုးန၀္. ဟဲ့ ထီဆံုန၀္.သြဴ။ ထီဆံုန၀္ အြလတ၀္း ဆိြဳ.ရဲင္အီထာလတ၀္း န၀္သြဴ။ ပညားသ်င္းသီး ရံထြားမုအလ ကမၻားမဲ့ငါေလာင္းယိုန၀္ ထီအ၀္းဒို.ခါ ၇၀% တြမ္း ၇၅% ခါးကိုန၀္သြဴ။ န၀္အကိုန၀္ ထီတရီပါဒ်ား ၂% မာလလြဳမ္တဲင္ လိြဳန၀္ဖံုးန၀္ ထြာဒ်ားထီဆံုလြဥ္းလြဥ္းန၀္သြဴ။ စက္ယံြဳးဖံုး၊ ေ၀င္တန္ဖံုး၊ ဒံုေဆာင္းဖံုးအကို ကအ၀္းေသာ့ဒ်ား လိုသီးဖံုး၊ စက္ယံြဳးကရိယားဖံုး၊ ကာ. ဆိုင္ကယ္သီးဖံုးယို အၿခီးဖံုးန၀္ ႏိြဳ.ေသာ့သမ္းယင္းတဲင္ ထီတရီ ၂%ယိုန၀္ သံုအြတားတြမ္း ဆိြဳ.ရဲင္ေရတား သံု.အီးလေႏြာင္န၀္ ကဲြးေဆ့ေဆ့သဲင္လဲဥ္း အေက်ာင္ေသထြဗားႏဲုင္းန၀္သြဴ။ ထီသီမ်ဳိယိုန၀္ ပိြဳင္းလဲင္းခါ ထြာဒ်ားသဘာ၀လက္ေဆာင္း ထာလေျခင္သီမ်ဳိဒ်ားရင္န၀္သြဴ။ ကဲြးေတြာ့ ေခတ္လဲင္းခါ ထီဖံုးယိုန၀္ ထြာထိုလဲဥ္း စာလ. ကြဳန္းတမ်ဳိန၀္သြဴ။ မိဥ္းမဲဥ္အြ ထီစြဴစင္ေၾကာင္းလဲ့ ေျဖအြဗားေနဒ်ား တြမ္းရြဥ္မ.လသြဴသနဲ။ မိဥ္းထြဥ္အြလြင္ဒ်ားထီ တဖူေသာင္တဖူထ် ေ၀င္ေသာင္ေ၀င္ထ်ဖံုးန၀္ သ.ခ်ံသားမုအ၀္းဒြဳမ္ေဟာင္း။ ကြပ္ပိြဳးစြဥ္း လိုၿခီး စက္ယံြဳးၿခီး ႏိြဳ.လင္ေသာ့တဲင္ မိဥ္းအြဗား ထီႏဲုင္းန၀္ဖံုးန၀္ ထြာဒါးေရာဂါးဖံုး အေက်ာင္ လိုသီးဖံုးေသနားလြဥ္လြႏဲုင္းန၀္ဖံုးသြဴ။ နီပအို၀္းသီး ကအ၀္းအံုဒ်ား အရပ္ေဒးသဖံုးန၀္ စက္ယံြဳးေျခာငါး ထြာဒ်ားဆိြဳ.ရဲုင္ေရ ခမ္းလမ္းဖံုး လြဥ္းလြဥ္းန၀္သြဴ။ ယင္ေထြာင္းေထြာင္းလဲ့ ေသင္းတျခာအ၀္းတ၀္းဒြဳမ္ ယင္ေထြာင္းေထြာင္းလဲ့ ေသင္းတျခာအ၀္းေနကဒြိဳန္းန၀္သြဴ။ လိုကအ၀္းဒါး ရပ္ရားဒံုေဆာင္းကို ပအို၀္းရပ္ယိုဖံုးန၀္လဲ့ အ၀္းထူးသံုအြလြဒ်ား ထီေနာင္၊ ထီအံြဳး၊ ထီေျခာင္ ကအ၀္းဒါး သိြဳ.ၿခံလဲုင္းခင္ထ်ဖံုး န၀္သြဴ။ ေခတ္လဲင္းခါ လဲုင္းလြဳပ္ၿခံမာသားဖံုးန၀္ သံုအာေမြးငါး ဓါတုအဆြဴးမ်ဳိ တၿခိဳဖံုးကစဒါး ႏဲုင္းဟံးၾသဇား၊ ႏဲုင္းဒ်ား တသီးမာသီအီေသ.ဖံုး၊ တသီးမာသီအီတအီးဖံုးယိုန၀္. လဲုင္းလြဳပ္ၿခံမာသားအခါးယို လြိဳင္းကြိဳန္ သံုလြဥ္လြပါငါပါရာဖံုးန၀္သြဴ။ ဆံြဳ.ရဲုင္ေရ.ထာမာကို ကအီးထန္းလြဥ္ဒါး ကြဳန္းက်ံ ကထြာဒါး အဒီးအရားအလားမ်ဳိစြဳမ္းဖံုးယို ယံေဖးကထန္းလြဥ္အာအာ အမ်တ္ကထန္းအာန၀္ အားကိြဳ.ေရာင္လြ ဓါတုတၿခိဳဖံုးန၀္သြဴ။ သိြဳ.လဲုင္းၿခံကိုယို ကထိြဳင္းသံုအာလြဥ္ ဓါတုဟံးၾသဇားဖံုး၊ တသီးမာသီေသ့ဖံုး၊ တသီးမာသီအီတအီးဖံုးန၀္ အဆြဴးမ်ဳိေ၀သီးဖံုးယို စြဴးလင္ေသာ့ထြဴဟံးခိုးကိုတဲင္ ခမ္းခါခိန္း ထီတႏိုင္း အီထြတ္ေသာ့သမ္းယင္း ဖိြဳးရာအရပ္ ေျခာင္ေပးေျခာင္တန္ကိုဖံုး ေနာင္ကိုထီအုံးဖူဖံုးန၀္သြဴ။ အဆြဴးစိုဖံုးန၀္ အ၀္းထိခိြဳက္သဲင္နီ တနီတစိစိယိုန၀္ အခိန္းေဒြါင္းကို နီတေသထြတ၀္း ေနင္းေပါင္မိဥ္းညဆြာထြဴန၀္ အီးေသလြဥ္သနဲ.။ ႏဲုင္းယိုခါ နီပအို၀္းရပ္ရားကိုန၀္ ေမာ့ေရာင္လြ ထာဆာဆန္ဖံုး၊ ေရာဂါးဆန္ဖံုးေတြာ့ သီေစြာ့ထာဖံုးန၀္ ထီးအာငါးလဲဥ္းန၀္သြဴ။ ကြပ္ပိြဳင္းထာမဲုင္ကရိုန၀္ တြမ္းေခတ္မီဆရား၀န္းသီးေတြာ့ အ၀္းလိုးေထာင္ထြား စဲင္းစဲင္းလြဥ္ငါးန၀္သြဴ။ နီသြဥ္းသီး ကအ၀္းသံုအြဒါးထီဖံုးယိုန၀္ အ၀္းဗား PH 7 န၀္သြဴ။ P ကရိုန၀္ ဟဲ့ Potency ထြဴေတြာ့ H ကရိုန၀္ ဟဲ့ Hydrogen န၀္သြဴ။ အထီသီးတမ်ဳိမ်ဳိယို ဟိုက္ဒရိုဂ်င္ ပါညီေသာ့ေဆ့တြမ္းအာယို တိုက္ေနးႏဲုင္းယို တယ္းစြဥ္း PH 0 ေတြာ့ ဗ့ေလြ PH 14 န၀္သြဴ။ PH 6,5, 4, 3, 2, 1, 0, န၀္ အက္စစ္(acid)ဒီဂရီကဲြးထိုထိုသဲင္သနဲ။ PH အေဆ့သြတ္န၀္ ထြာ အက္စစ္အအာသြတ္န၀္သြဴ။ PH မိဥ္းအာလြဥ္န၀္ ထြာထိုလဲဥ္း အယ္လ္ကာလီ (alkali)ဓါတ္ န၀္သြဴ။ ႏဲုင္းယိုခါ ေ၀င္တန္ကိုဖံုးသူန၀္ ၀င္ကအ၀္းစာဒါးထီေၾကာင္း(ေသာက္ေရသန္႕)ဖံုး တလမ္းထင္းတလမ္းလင္ အ၀္းပသာေဖးဒါးထီေၾကာင္းဖံုးန၀္ အ၀္းဗား PH 7 န၀္သြဴ။ လိုကအ၀္းဒါး ကမၻားေလာင္းယို အျဖာေပါင္ထိြဳင္းအာလြဥ္တဲင္ လိုဖံုးအတား အသံုအေဆာင္း အအံးအအြ တားဖံုးလဲ့ အ၀္းလိုးအာလြဥ္န၀္သြဴ။ ထာအ၀္းလိုးဖံုးယို ေဖးကေဗြလန၀္ ခူးထန္းဗား သဘာ၀ သံယံဇာတဖံုး၊ ယားကဲုင္ဗား ေသင္းတျခာတန္ဖံုးန၀္သြဴ။ အ၀္းသဘာ၀ကြဳန္းက်ံယို အခိန္းထြထြ လိုသီးသံုအီတား ေဖးကမာ ေဖးကြဳန္းေခ်ာ္အမိြဳင္သြတ္နည္ဖံုးန၀္ သံုလြဥ္လြ စက္မုပညာနည္အာစြိဳးအာမ်ဳိဖံုးန၀္သြဴ။ ကမၻားေလာင္းယို စက္ယံြဳးဖံုး စက္သီးမ်ဳိဖံုး ထိြဳင္းအာလြဥ္တဲင္ ရာသီးဥတုလဲ့ ေဖာက္ျပန္းလြဥ္စြဥ္း ႏဲုင္းႏဲုင္းေတြာ့ ထာလ်ားခိန္းယို ကဲြးအာအာ အလ်ားအားကဲြးသန္သန္လြဥ္စြဥ္းန၀္သြဴ။ ထိြဳင္းထြာလြဥ္ႏဲုင္းန၀္ တဲင္ ကမၻားအေခါ၀္ထင္ ထီ၀(ေရခဲ)ဖံုးလဲ့ ကဲြးစြဳမ္းစြဳမ္းလြဥ္စြဥ္းတနီတစိေတြာ့ ကထြာလြဥ္ဒါး ထီဖံုးန၀္လဲ့ ဖိြဳးရာ ကမၻားအေခါ၀္ေနာ၀္သူ ထြတ္လင္ေလြစြဥ္းန၀္သြဴ။ ကထြဒါး ပင္းလယ္းထီမဲ့ငါလဲ့ ကဲြးထိုထိုလြဥ္တဲင္ ပင္းလယ္းထီဆံုဖံုးလဲ့ ကဲြးအဲင္းအဲင္း ကဲြးထုမ္းထုမ္း လြဥ္စြဥ္း ဟံးတနီတစိအေက်ာင္ ေသထြဗားန၀္သြဴ။ ဆိြဳ.ရဲုင္ေရခင္းလမ္း ဖိြဳးရာပင္လယ္းဖဲ့သူန၀္ ပင္းလယ္းထီဆံုထုမ္းေသာ့လြဥ္တဲင္ လိုသီးဖံုးလဲ့ ကဲြးဆုတ္ထင္လြဥ္ဒါး ထိုဖဲ့ရာအရပ္န၀္သြဴ။ ဟံးယားကဲြးေဆ့ဆ့ ထီတရီလဲ့ ကဲြးေျခားေျခားလြဥ္ လိုျဖာေပါင္ဖံုးန၀္ သမ္းအာအာလြဥ္ လိုသီးအတြက္ အံးအြတား ယိန္းသမ္းလိုးအာအာလြဥ္ႏဲုင္းႏဲုင္း အံးအြေျခားဆင္ရယ္ပ်ႆနားယိုန၀္ အီးတၿခိဳ.လြဥ္ဒါး လိုသီးအေလာင္းန၀္သြဴ။ ေခတ္ယိုခါယံတြင္န၀္ စက္ယံြဳး စက္တၿခိဳဖံုး အာငါးတဲင္ စက္ဖံုးအတား ကလိုးဒါး အစား ဓါတ္ထီဖံုးန၀္ အြဥ္တ၀င္ခူးထန္းဗား ေရနံ ဟံးကိုန၀္သြဴ။ ကြပ္ေရနံခရားတဲင္ တခမ္းတြမ္း တခမ္း ထိြဳက္ခ.မာသီလြတ၀င္ဖံုး န၀္သြဴ။ ေရနံကထန္းဒါးအရပ္ မန္းကရိုဒါး အေရွ႕အလယ္ပိုင္းေဒသ သူန၀္ အ၀္းတိြဳက္ခတေသးေသးစြဥ္းတ၀င္ခရားန၀္ ကြပ္ေရနံကိစၥန၀္သြဴ။ မိဥ္းထဲင္းသမ္းယင္း ေနင္းရ်ာဗူး(ရာစုႏွစ္)တဗားန၀္ ကြပ္ေရနံေတြာ့ တိြဳက္ခတ၀င္ေမြးတ၀္းဒြဳမ္ ကြပ္ထီတရီ(ထီအြ)ေတြာ့ အီးတိြဳက္ခေႏြာင္ဒါးတ၀င္အေက်ာင္း ဟိြဳန္ထြဗား ႏဲုင္းန၀္သြဴ။ ႏဲုင္းယိုခါ ပလက္စတုိင္းတြမ္း အစၥေရးသီး ကအ၀္းတြိဳက္ခဒါးတ၀င္ဖံုးသူန၀္ ကြပ္ခမ္းထီကိစၥေတြာ့ တရိတ္တ၀င္ ဟံးယားေမြးတ၀္း ကြပ္ဆိြဳ.ရဲုင္ေရတား နမ္းကိုေၾကာင္းစင္ေရတား ထီကိစၥေတြာ့ တိြဳက္ခဗား တ၀င္အေက်ာင္ ပညားသ်င္းသီး ေအာ၀္းေ၀းဖန္းခါႏဲုင္းန၀္ဖံုး ေသထြလြဥ္ဗား လိတ္အုပ္ကို သတင္ဖူဖံုးန၀္သြဴ။ ကမၻားေလာင္း ခမ္းထီးယင္ေထြာင္းေထြာင္းန၀္ ထီအြလုမ္းတ၀္းတဲင္ ခမ္းသားသီပ်င္းထိုဗားထာလဲ့ သတင္ကို အ၀္းဟိြဳန္ဗားန၀္သြဴ။ ကိဥ္အာအာန၀္ ကုလာအိႏိၵယခမ္းအေခါ၀္ထင္ဖံုးန၀္သြဴ။ ထီအြတား ထီဆိြဳ.ရဲုင္အီတား ေဖးကကိြဳန္လြဥ္ထဲင္းထဲင္းန၀္ အ၀္းလိုးအြဥ္တ၀င္ဆိြဳ.ေရာင္သမ္းယင္းေသင္းဖံုး၊ ေသင္းမြဴးဖံုး ယံေဖးကလိြဳင္းဒြဴအာလြဥ္သမ္းထဲင္းထဲင္းန၀္ အ၀္းလိုးရဲးလလေမးအႏၱားရယ္း ကုမၸဏီးေသင္းခြသား အႏၱားရယ္းဖံုးန၀္သြဴ။ ေကာင္ေရြေသာင္းေသာင္း ေသင္းမြဴးထိုထို မိဥ္းလြိဳင္းအာလြဥ္လဲ့ လိုသိြဳန္းသဗြာဖံုးလဲ့ လိြဳင္းလြဥ္ခိြဳင္းယင္း န၀္သြဴ။....
Posted on: Sun, 25 Aug 2013 09:00:28 +0000
Trending Topics
Recently Viewed Topics
© 2015