ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် တိုင်းရင်းသား လက်နက်ကိုင် ခေါင်းဆောင်များ နိုဝင်ဘာ ၄ ရက်တွင် မြစ်ကြီးနားမြို့တွင် တွေ့ဆုံမည်ဖြစ်ပြီး ဆွေးနွေးပွဲအတွက် ရဲတပ်ဖွဲ့ဝင်များ၊ တပ်မတော် တပ်ရင်းများ အင်အားအပြည့်ချ Sunday, November 03, 2013 Myanmar Express Group From : .. Eleven ...................ပည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် တိုင်းရင်းသား လက်နက်ကိုင် ခေါင်းဆောင်များ နိုဝင်ဘာ ၄ ရက်တွင် ကချင်ပြည် နယ်၊ မြစ်ကြီးနားမြို့တွင် တွေ့ ဆုံသွားမည်ဖြစ်ကြောင်း ပြည်နယ်အစိုးရ အရာရှိ တစ်ဦးက ဆိုသည်။ ယင်းက ကြေးနန်းအရတော့ ဆွေးနွေးပွဲက ၄ ရက်နေ့ စမှာပဲ။ ၀န်ကြီးဦးအောင်မင်းနဲ့ အဖွဲ့ပါပဲ။ ဆွေးနွေးမယ့် အကြောင်းအရာ မသိရဘူး။ နေရာကတော့ မြို့တော်ခန်းမလား။ မနောကွင်းလား။ အဖြေအတိအကျ မရှိသေးဘူး။ လောလောဆယ် မြို့တော်ခန်းမတော့ ပြင်ဆင်မှုတွေ လုပ်နေတယ် ဟု ဆိုသည်။ ယင်းဆွေးနွေးပွဲနှင့် ပတ်သက်ပြီး မြန်မာ့ငြိမ်းချမ်းရေး စင်တာမှ ဦးလှမောင်ရွှေက မြစ်ကြီးနား အစည်းအဝေးလွန် ကေအိုင်အိုနဲ့ ဆွေးနွေးပွဲမှာ သဘောတူတဲ့ ခုနစ်ချက်အတိုင်းပဲ လုပ်မှာပါ။ ကေအိုင်အိုနဲ့တင် မကတော့ဘူး။ တိုင်းရင်းသား လက်နက်ကိုင် အားလုံးနဲ့ ဆွေးနွေးမှာပါ။ လိုင်ဇာမှာ ယခုဆွေးနွေးနေတဲ့ သဘောတူညီချက်တွေကိုပဲ ဆွေးနွေးမှာပါ။ ၀န်ကြီးဦးအောင်မင်းရဲ့ သဘောထားကတော့ တက်လာတဲ့ တိုင်းရင်းသား လက်နက်ကိုင်အားလုံးကို အပြုသဘောဆောင်ပြီး ကြိုဆိုမယ်လို့ ပြောထားပါတယ်။ တက်ရောက်မယ့် အဖွဲ့ကတော့ (၁၆)ဖွဲ့အထက် ရှိမယ်လို့ သိရတယ်။ ညှိနှိုင်းနေတုန်းပါပဲ။ အဓိကကတော့ တစ်နိုင်ငံလုံး အပစ်အခတ် ရပ်စဲရေး၊ နိုင်ငံရေး ဆွေးနွေးပွဲများ ဆက်လုပ်သွားနိုင်ဖို့ပဲ အဓိက ဆွေးနွေးမယ် ဟု ပြောကြားသည်။ လိုင်ဇာဆွေးနွေးပွဲအပြီး အစိုးရက ပြုလုပ်ရန်ရှိသော မြစ်ကြီးနား ငြိမ်းချမ်းရေး ဆွေးနွေးပွဲသို့ တိုင်းရင်းသား လက်နက်ကိုင် အဖွဲ့အားလုံး တက်ရောက်ရန် မသေချာသေးဘဲ ယခုဆွေးနွေးပွဲ ရလဒ်တွင်သာ မူတည်ကြောင်း ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) ၏ တွဲဖက်အတွင်းရေးမှူး -၂ ဗိုလ်မှူးကြီး ခွန်ဥက္ကာက လိုင်ဇာဆွေးနွေးပွဲ မတိုင်မီ ပြောကြားသည်။ကချင်ပြည်နယ် မြစ်ကြီးနားမြို့၊ မနောကွင်း၊ မဂျွယ်ခန်းမ၌ နိုဝင်ဘာ ၄ ရက်တွင် ပြုလုပ်မည့် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် တိုင်းရင်းသား လက်နက်ကိုင် ခေါင်းဆောင်များ ငြိမ်းချမ်းရေး ဆွေးနွေးပွဲအတွက် ရဲတပ်ဖွဲ့ဝင်များ၊ တပ်မတော် တပ်ရင်းများ အင်အားအပြည့် ချထားကြောင်း ပြည်နယ်ရဲအရာရှိ တစ်ဦးက The Daily Eleven သို့ ပြောကြားသည်။ လုံခြုံရေး တာဝန်ကျသော ရဲတပ်ဖွဲ့ဝင်များ၊ တပ်မတော်သားများသည် မနောကွင်းဝန်းကျင်၊ မြို့တော်ခန်းမ ၀န်းကျင်တို့တွင် အဓိက လုံခြုံရေး ယူထားပြီး တစ်မြို့လုံးနီးပါးကိုလည်း လုံခြုံရေး လုပ်ငန်းများ တင်းကျပ်စွာ ဆောင်ရွက်နေပြီး ရဲတပ်ဖွဲ့အင်အား ၃၀၀ ကျော်၊ တပ်မတော်အင်အား ၂၀၀ ကျော်တို့ဖြင့် ဆောင်ရွက်နေကြောင်း သတင်းရရှိသည်။ ယင်းလုံခြုံရေး ကိစ္စနှင့် ပတ်သက်ပြီး ပြည်နယ်ရဲအရာရှိ တစ်ဦးက ရဲတပ်ဖွဲ့ဝင်တွေကတော့ မြစ်ကြီးနား ရဲတပ်ရင်းနဲ့ မြို့နယ်အတွင်းက အင်အားအနည်းငယ်စီတောင်းပြီး ဆောင်ရွက်နေတာပါ။ ယာဉ်ထိန်းရဲကတော့ မလုံလောက်လို့ တခြားမြို့တွေကပါ ခေါ်သုံးရတယ်။ ရဲတပ်ဖွဲ့အင်အားနဲ့ လုံခြုံရေး ပြည့်စုံပေမယ့်၊ အရေးကြီးတဲ့ ဆွေးနွေးပွဲ ဖြစ်တဲ့အတွက် ချွတ်ယွင်းချက် မရှိအောင်လို့ တပ်မတော်က လာကူတာပါ ဟု ဆိုသည်။လုံခြုံရေး အစောင့်ကျသော တပ်မတော် အရာရှိ တစ်ဦးက လုံခြုံလေ ပိုကောင်းလေ ဖြစ်အောင်ပါ။ တပ်ရင်းသုံးရင်းနဲ့ လုံခြုံရေး ကိရိယာတွေအားလုံး ပါလာပါတယ် ဟု ဆိုသည်။ ယခင်က ယင်းဆွေးနွေးပွဲ နေရာအတွက် ၀န်ကြီးများ ရုံးအတွင်းရှိ ဆမားခန်းမ၊ မြို့တော်ခန်းမတို့တွင် ပြုလုပ်ရန် ရည်ရွယ်ခဲ့သော်လည်း ယခုနီးကပ်သည့် အချိန်မှ မနောကွင်း မဂျွယ်ခန်းတွင် ပြောင်းလဲသတ်မှတ် ခဲ့သည်အတွက် စည်ပင်ဝန်ထမ်းများ၊ အခမ်းအနား ပြင်ဆင်ရန် တာဝန်ကျသူများက အပူတပြင်း ဆောင်ရွက်နေရကြောင်း ယင်းတာဝန်ကျ ပုဂ္ဂိုလ်များက ဆိုသည်။ မြစ်ကြီးနားမြို့ ဆွေးနွေးပွဲသို့ တက်ရောက်မည့် လက်နက်ကိုင် အဖွဲ့များ၏ စာရင်းကိုမူ နိုဝင်ဘာ ၂ ရက် ညနေပိုင်းအထိ အတိအကျ ထုတ်ပြန်နိုင်ခြင်း မရှိသေးကြောင်း သိရသည်။ မစ်ကြီးနားမြို့တွင် ပြုလုပ်မည့် အစိုးရနှင့် တိုင်းရင်းသား လက်နက်ကိုင် ခေါင်းဆောင်များ၏ ဆွေးနွေးပွဲအတွက် လုံခြုံရေး တိုးမြှင့်နေသည်ကို တွေ့ရစဉ်
Posted on: Sun, 03 Nov 2013 09:49:35 +0000
Recently Viewed Topics
© 2015