A HMINGAH CHUAN MAKA......!!! Kan Lal Isua hi,A lo piandan leilung dan pangngai ang a ni lova. A thih dan pawh leilung dan pangngai kalhin a ni leh a. A zirtir leh a nun dan hi thilmak sawifiah thiam loh thil a ni. Buh hmun emaw, sangha dil emaw a nei lo naa, a tul hunah chuan mipui sangnga/sanglite eitur, chhang (chaw) leh sangha a hlui mai a. Karpet mawi tak tak nei lo mahse, tui chungah te a kal mai a ni.Lehkha A zir lo,mahse Zirtirtutiin an ko.Doctor a ni lo na a,Tidamtu an ti..! A thihin suntu an tlem em em a,mahse,thimin ni a hliah a,khawvel a thim zo ta thung a. Miten an sual vangin khur lo mahse,lei chhungril chuan a tuar a,lir nasa takin a nghing thung a nih kha...! Mi sualten an hnawl nain thilsiam leh leilung chuan a zahin a ngai ropui hle thung a ni. Sual pakhat mahin a tibawlhhlawh lo va, a taksa pawh tihchhiat a ni hek lo. A thisenin lei vaivut chu luan mahse a taksa chu vaivutah a chang ve lova, a tawih ral ve lo a ni. Kun thum chhung thu a hril a. Lehkhabu a chhuahin a ziak lo va, Biak in a sa hek lo va; tangka a nei lo va, a khawl hek lo. Kum sanghnih hnuah pawh, khawvel chanchin hmun ropui leh pawimawh ber a luah ta reng a. A thusawi chuan khawvel hun inher a luah khat a, a sawi ang zelin thil a thleng bawk a ni. Khawvela mihring nun chher thatu awm chhun A la ni zui zel a ni. Hetiang taka khawvel pumpui chhandamna hna thawk a, hnam leh mihring, chi tin,hnam tin reng zinga thilmak titu, a zuitutea mak taka nunga inlartir zel hi, Josefa leh Mari - te fa satliah mai leh kraws-a thi ve satliah mai a ni lo tih a chiang tulh tulh a ni....! A hre chiang tu tak tak tan chuan, Ka Lalpa leh Pathian an tih loh theih loh a ni e....!!!
Posted on: Sun, 27 Oct 2013 16:03:07 +0000
Trending Topics
Recently Viewed Topics
© 2015