A Maronna Nu bellu juorno, nun m’arricordo quanno, accattaie nu giurnale,“ Edizione Straordinaria” steva scritto. Succedette ‘int’a nu paése puveriello situato ê pied e na muntagna, seie nennille vedettero ‘a riggina d o criato. Sti piccerille purtaieno ‘e ppecore ‘int a campagna pe fa pascere, antrasatta furmene e saette pe tutt’ ’o cielo, na luce forte abbagliaie l’uocchie e sti uagliune c appaurate rummanettero a guardà. Dint‘a sta luce, accumparette na Signora assaie bella, cu ‘o manto ‘ncapo, nàbbeto luòngo , e braccia aperte e a curona mmano. Steva ncopp ‘a nu cespuglio e spine, cu rose secche, prete senza vita e turreno senza core. A chesta scenà e pasture sappauraine e cu ’e ccosce tremmanno e ‘o core che sbattév, fujietteno o paese lloro pe cuntà chello c’avevano visto. A curiosità fuie tale ca tutte chille ca séntettero ‘o fatto, senza perdere tiempo s’abbiaieno addó steva chillu splennore. A Maronna steva la, cu ‘o surriso doce cu a faccella gentile e delicata e cu a mana mmitava a ggente a s’accustà! Che meraviglia a vedè chillu miraculo! Tutta ggente, senza perderse ‘e curaggio s’addunucchiaieno e accuminciaieno a pprià. Fra chilli póvere pasture ce fuie chi a vedette e chi sta ancor a aspettà. Quantanne so passate a chillu juorno. chella campagna addò o cielo era sempe niro e a ggente mureva p a famme è addeventata na gròssa città. e sei pasture, sulo dduie so vive, llate stanno mparaviso, a pprià pe lumanità. Stella eterna d o criato, che si scesa a cielo cchiù e na vota fa ca nu bellu juorno te pozzo vedè purio, pe te ringrazia e tutte chello che mhê fatto e pavè a certezza e passà a llatu munno cu serenità. Imma Noviello, Napoli 1997
Posted on: Thu, 07 Nov 2013 22:28:58 +0000
Trending Topics
Recently Viewed Topics
© 2015