AMC sorkar thar tur MNF in lawm Aizawl:Nimin khan MNF chuan Mizo Hnam Run ah Aizawl Municipal Council a sorkar thar lo piang tur lawmna a nei a, Pu Tawnluia Sr. Vice President in inkhawm kaihruaiin, Upa Lalchhinga’n lawmthu sawia tawngtaina hun a hmang. Hnam Runa lenglo mipui an kalkhawm. Inkhawma thusawiin Pu Zoramthanga President chuan “Congress an tlakna chhan hi ZNP, MPC leh MNF te nawr chiamna nilovin, Congress in an thawhpui mekte phiarru a tihchhiat an tumna lamah, anmahni intichhiain an hlawhchham a, an thangkamah an awh tak vang a ni. Kan Councillor te inlungrualna leh rinawmna hi lawmawm kan ti. Sorkar thar lo ding tur hi Pathian zarah tluang taka kan kal theih kan beisei a, tawngtaina nena theihpatawp chhuah a kan tawiawm a tul a ni. Aizawl khawpui hmasawnna a tan Central atanga sum lokal te hi ni 5 chhung state sorkarin a kawltheih laiin, rei tak a kawlsak thin a, hemi avang hian Penal Interest Rs. 50 lakh chuang chawi tur an nei mek a. AMC a sorkar thar hi hrek an tum zui maithei a, an tum anih chuan an tih ang hian Central sorkar in hrek ve se hrehawm an ti fe zawk ang. Central a kan thawhpui NDA an sorkar a, anni thusawiin kan thusawi an ngaihthlak zawk ka ring. NLUP ah hrek mai an inrin avangin Pu Hawla’n a tui tawh loh thu a sawi thin a. An tangka sem leh senso tam ang hu a, hnathawh a awm bawkloh avangin an hmabak a englo hle in ka ring a ni” a ti. Pu Rama chuan “EVM tih chingpen leh Rigging thu sawi tawhlo turin min ti thin a, an tih miau si avangin ka sawi zel dawn. EVM hrim hrim kan do lo, min rawkna EVM kha a diklo kan ti mai a ni” a ti. “Congress in chhiat lam a pan mek zel a, J&K State ah National Conference in an thawhpuina an chhu chhat a, Maharastra ah Chief Minister ni tura an tiam, an nihtir leh tak siloh in CM nih phutin a bang a, Haryana ah Chief Minister thlak tumna a chhuak mek a, Assam ah pawh an CM Tarun Gogoi a thlak duh MLA 32 an hel mek bawk. Delhi a MLA thlanna awm mai turah Rahul Gandhi chu Campaign hotu atan an duhlo bawk a, Mizoram ah pawh AMC atangin chhiat an tan a, anhmabak a thim hle ani” a ti bawk. Pu Lalrinenga Sailo AMC Councillor chuan “Congress in ZNP leh MPC tihchhiat an tumna chu a hlawhchham ta a, Mizoramah hian 2 party system hi awm thei se ka duh ber a, tun hi kan bultanna nise ka duh. ZNP, MPC leh MNF Councillor te thawhhona atan Co-ordination Committee ZMM din a ni a, Pu Biakthansanga MNF Chairman atan kan thlang” a ti. Pu PC.Lalhmingthanga MNF Councillor chuan “kan tawngtaina chhangin thlemna karah Pathianin hlawhtlinna min pe a, kan inlungrualna leh kan rinawmna a tha tawk a, Congress tlak chhan ber chu tawngkam an thlahdah vang ni berin ka hria a ti. AMC Board of Councillor in hna tender tura atih chu bawhchhia in, hmanhmawh takin Rs. 30 lakh chuang man hna an in pe a, ngaihtuah zui ngai tak a ni” a ti. Pi Lalmalsawmi MNF Councillor chuan “Opposition a awmin rep char kan ni a, chumi atanga tun dinhmuna min hruaithlengtu chu Pathian a ni a, lawmawm ka ti, MNF hotuten la junior tak ni chunga duhsakna tinreng min hlan hi ka lawm tak zet a ni” a ti bawk.
Posted on: Thu, 24 Jul 2014 08:29:50 +0000
Trending Topics
Recently Viewed Topics
© 2015