Anither Taal Story In a richt evil time, in a richt evil place, a stinking rat struck up his freendly wey wi a frog that was ay playful and meant ti teach him a lesson. Fast asleep one nicht he foond the rat and tied his fit ti his ain – ye ken, a bit like a three-legged race whan aa the das behave like bairns (a crabby story-teller, this ain!) – and come crack o dawn, aff they ging and set ti thinking aboot dennar (weel, it would be mair like breakfast at this time). Trauchling the road and lang, they stummelt on a pond, and the frog jumped in –weel, he would, would he nae, it’s instinct, man, instinct!—up ti his neck in the dubs and clairt, craiking for aa his warth like he’d wan the lottery or something, forgetting rat’s-tail was still stuck ti him –and, onieroad, he suin drouned (the rat, that is, his belly couldnae tak a sackfae o watter ata like the puddock), and his creeshie body was floating ti the tap in nae time – and sae it was, for ‘aathing is connected ti aathing else’ as I think it was Lenin (if ye can still mention him) said, alang comes a kite (nae a bamboo ain, but a real ain, wi wings and the like), and snaitches him up wi his claws –the rat alang wi the the frog still atttaiched ti his leg (I’m trying ti mak the picture as clear as I can) and ate baith o them – sharing them oot wi his wife and his bairns, as is anlie richt, as I think ye’d agree, man. (Nou scrutinise this, and I’m telling ye, there’s anlie one conclusion: Three legs are warse than nane. It’s certain.) 1 W. S. Milne
Posted on: Thu, 28 Nov 2013 08:33:00 +0000
Trending Topics
Recently Viewed Topics
© 2015