Assalamualaikum Wr.wb. ULAMA DALALAM BABALIAK KANAGARI. Dalam adat nan tamasuak ulama adolah pemangku adat, imam, katik, malin jo tuanku, nantasabuik urang ampek jinih. Dalam babaliak kanagari urang ampek jinih harus memahami sakurangnyo 4 pulo, walau nan harus dipahami labiah banyak cakupanyo. Di antaronyo 1=>PERSIAPKAN DIRI Handaknyo dipersiapkan, siap ilmu siap jo mental, gala jan tingga gala sajo, minimal layak diimankan, elok bacaan tajwidnyo, paham jo rukun dg syarat, bisa pulo baco khatubah, akhlak tinggi babudh haluih, jauan nan dari cacek catatan, sinanlah baru basuonyo. Tajam nan bisa ditakuak kan, tali nan panjang kapalilik, urang nan fungsi difungsikan. Iko banyak nan tadi, bagala malin tak bisa mandoa, bagala katik ndak pandai baco khotbah. 2=>MARUBAH METODE DAKWAH Biasonyonyo baceramah atau monolof dirubah ka dialog, dari batujua ka amalan. Mengkritik dari mimbar, itulah hak dek ulama, tapi kritik tampa solusi, bak aia jatuah ka kasiak, handaknyo jan ado nan salah sangko, oposisi bakapanjangan, gilo mancacek jo mancaci, ceramah nan sekedar profesi. Ulama adolah idola jo panutan dimasyarakat, figur nan suci dimagari, sasuai jo putiah pakaiannyo, ibaraik hitam dek pangulu, ungu tibo dimanti, warna siriah dek dubalang 3=>BALOMBA-LOMBA JO KEBAIKKAN Menanamkan semangat fastabikulkhairat dinagari, dek ulama pawaris nabi, indak mamiliah miliah umat, tepi didalam bermakruf nahi mungkar, menyamai iman dg takwa. Indaklah salah bukanlah doso, kalau balomba di nan baik,ikolah kiat urang saisuak, maislamkan tanah minang kabau, sampai menyebar bakuliliang 4=> BABAIAK SANGKO. Alah ampia duo abat, falsafah minang Adat Basandi Sarak, Sarak Basandi kitabullah, masih baproses sampai kini. Kini dalam mambangun masyakat minang modren manuju kaeah samparono adolah tugas ampek jinih, alim ulama digaris depan. Dek sabab karano itu, adolah arif bijaksano, kok mampak simpang jalanyo adat, kalua jujuang sarak samo disilau kaureknyo. Ado kalonyo dek kurang paham tantang adat, balain tampek mamandangnyo, dikatokan adat nan alah manyimpang, dituduah malawan sarak. NAUZUBILLAHI MIN YALIK. berlindung awak ateh salah pandang atas salah pandang dan pemahami dari ABS-SBK WASSALAM "AMB-LG"
Posted on: Thu, 27 Jun 2013 23:31:54 +0000
Trending Topics
Recently Viewed Topics
© 2015