August 22, 2013 – RU BALITA SA BUNTAG GILARAW ni Cagayan de Oro 2nd District Congressman Rufus Rodriguez i-professionalize ang trabaho sa mga magsisibya, lakip na ang print, radyo ug telebisyon. Alang kang Rodriguez, pinaagi sa iyang sugyot balaudnon nga Magna Carta for Journalist kon House Bill no. 1047, malikayan ang pagtagawtaw sa radyo, TV ug bisan pagsulat sa print nga wala mahisubay sa hustong sistema isip magsisibya. Matod niya, kon hingpit mahimong balaud ang iyang sugyot, mahimong tukuron ang usa ka institusyon nga magprotekta sa lehitimong mga media practitioner. Gihimong sanglitanan ni Rodriguez ang mga abogado nga adunay examination una mahimong abogado o adunay Integrated Bar of the Philippines, o sa uban pang trabaho nga obligadong mokuha sa professional regulation commission kon PRC. (Rodriguez 1) Ang pamahayag ni Rodriguez. Kon hingpit nang maaprobahan ang nasampit nga sugyot, tukuron matod pa ang Philippine Center for Journalism, sama sa IBP, PRC ug uban pang institusyon sa mga professionals. -o0o-
Posted on: Wed, 21 Aug 2013 22:29:31 +0000