CYCLONE HUDHUD: MET DEPARTMENT IN ANDHRA VAKAMHAI WARNING A PEK Oct 11, 2014: Zinga chawhnung tienga Vishakapatnam hmartieng tuipuikam vela thlipui Hudhud (cyclone Hudhud) thlung dinga ring anih leiin state sorkar hmalakna in hmun inhnuoi tienga cheng, mipui sing tel chu hmun him tienga sawnsuok an ni tah. Visakhapatnam district-ah mi 24,000, from Vizianagaram-ah 15,000 le Srikakulam-ah 46,000 le East Godavari district a inthawkin mi 160 chu sawnsuok annih tah thu, special commissioner, state disaster management authority, Pi K Hymavathi chun a hril. Pi K Hymavathi chun coastal districts-ah hai cyclone relief shelters146 siem a ni a, National Disaster Response Force team 19 teams (each comprising 45 to 50 members) khawm sansuokna le sawmdawlna buoipui dingin tirlut annih tah thu a hril. Hibakah hin Vishakapatnam-a hin sipai khawm tam tham tak a tul ani chun tir dingin sie an ni bawk a, voituk khan Srikakulam tuipui ngirhmun chu a rapthlak (rough) hle tah a ni. Met department chun chawlbuk in (kutcha house) iemanizat se dingin le thingkung lien khawm tlu el thei ding le infepawna hai, inbiekpawna hai khawm iemanichen chu se elthei ani thu hrilin, rail le road traffic khawm mumal lo ding angin a hril (expected). Deputy chief minister KE Krishna Murthy chun, Sorkar hmangruo (machinery) khawm thlipui tuok ding hin an inpei tah, a ti. Indian Navy, Eastern Naval Command khawm lawng 4 le an inpei thlap tah a, hieng lawng hai hi divers, doctors, inflatable rubber boats, integral helicopters le relief material, food, tents, clothes, medicines, blankets etc, mi 5,000 mamaw phuhruk thei dinga buotsai anni thu Navy sources chun an hril. Naval Air Station, INS Dega-ah hin aircraft 6 khawm thi le hliem tuor thangpui ding le sawmdawlna hmangruo thlak dingin inring ranin an bawk thuop bawk. Hieng baka hin diving team 30 le platoon 4 hai chu additional relief material neneng hunah khawm inthawksuok nghal thei dinga sie anni bawk niin thudawngna chun a hril.
Posted on: Sat, 11 Oct 2014 10:44:19 +0000