Congress Thalai (MPYCC) Press Release No.MPYCC/Mz-07/2014/25, (27th September 2014) STEE buai lai zawnga ngaihdan sawi ngam lo MNF party MNF Senior Vice President Pu Tawnluian ni 26/9/2014-a Lengte khuaa meeting neihnaa Mizote hi indigenous kan ni, Chakma hi indigenous an ni lo tia a sawi hi an sawrkar chhung kum 1998-2008 chhung zawng khan he thudik hi a hre lo em ni, ngati nge tuna taka a sawi thar thut tih hi Congress Thalai in kan zawt let. MNF te hi STEE vanga buai lai zawnga ngaihdan sawi ngam lo, buaina chinfel a nih hnua a pawr pawra tang leh si, politics-a hamthatna hmuh tumtute an ni. Mizo nationalism-a chiang in ti, Congress party te Mizo nationalism-a chiang lo anga puhtu MNF Sr. Vice President hian an sawrkar chhung zawng khan Chakma te kha Mizo-ah a pawm em ni. State Technical Entrance Exam result hrang hrang enletin MNF sawrkar chhung zawng khan Chakma-te kha Category-I ram leilung fate (indigenous) tan chauha humhalh bikah khan heng kum 1999, 2000, 2003, 2004, 2005, 2006, 2008 exam result-ahte hian an tlingin an hming a lang ziah a ni tih lo hre rawh se. MNF te khan STEE kaihhruaina Notification chu 7.6.1999 khan Mizoram Gazette Volume-XXVIII-ah an tichhuak a, chutah chuan Category-I chu Mizoram-a indigenous tan chauh tiin an dah. He an dan (rules) siam ngei behchhan hian an sawrkar chhung khan Chakma-te chu ram leilung fate chan turah telh char charin vawiin hi kan thlen phah ta a ni. Sawrkar loh laia Pathian leh kan Ram tan tih changchawia sawrkar laia dahthaa eirukna leh ram leh hnam tana him lo thil khawih ching MNF hian indigenous hi politics khelh nan hmang tawh suh se. Anmahni hi ram leh hnama chiang lo kaihhruai ngai an ni. Sd/- (ZOHMINGTHANGA TLAU) General Secretary i/c Information & Publicity MPYCC
Posted on: Mon, 29 Sep 2014 03:46:31 +0000
Trending Topics
Recently Viewed Topics
© 2015