Da un poco de tempo, me piasi sai sta roba de esser continuamente bombardado de notizie de micro-criminalità local tipo arestado criminal che rubava una mudanda da coin o arestado spaciador uzbeko con 0,5 grami de maria. Probabilmente nela testa de legno de qualchidun sta roba dovessi far sentir la gente più sicura e inveze xe solo che uno spacamento de coioni infinito. Xe una ciolta pel cul perché te se senti costantemente osservado con quela che se i te pizigherà per una qualunque cagada oltre ale conseguenze legali te finirà vitima de una gogna mediatica virale de condivisioni e comenti mona; e al tempo stesso de vedi che chi la combina grossa de bruto e tira i veri numeri no i ghe meti le generalità e roba cussì. I dovessi mandarli tuti casa! Taiemoghe i pie! Taiemoghe le man! Se ghe taiemo i pie no i pol tornar casa! In sostanza sta roba no xe che propaganda. Fumo in tei oci. Xe banal de dir ma tanti sembra no corzerse. Xe crear un falso alarme social per far veder che la giustizia camina e al stesso momento impaurir la gente, farla sentir debole e bisognosa de protezion dai teribili pericoli de Trieste. Come se un muleto che se fuma un canon saria un pericolo. Per dir.
Posted on: Sat, 30 Nov 2013 16:30:44 +0000
Trending Topics
Recently Viewed Topics
© 2015