Di un amigu dimi di adolesensia, un amigu di kurason, Eric de Rooy, mi a haña e siguiente petishon: Bob mi ruman, mi mester di bo ayuda, mi a kaba de perde mi yiu mayor den un aksidente na Hulanda, e tabatatin 22 anja, mi no ta bai den detajes aworaki pasobra mi ta kere ku bo mester a tende di e kaso aki den korant ect.. kaba, si na Hulanda. Nos konose otro hopi bon, for di tempunan aya. Bo ta bon den support I need you my friend. Please Help me with your words of support. I realy would appreciate it from you my friend, anto si bo por a broadcast e na Facebook i would really appreciate it and would share it. Love you my Friend. Mi kurason ta kibra for di ora mi a lesa e petishon aki. Pero na mes momentu mi fe den Dios su miserikordia, bondat i amor eterno ta bira mas grandi ora mi korda ku den Su Reino, no ta eksisti perdida. Den su reino no ta eksisti tristesa. Den Su reino no ta eksisti dolor. Eric mi ruman, komo hende hopi biaha nos no por kompronde pakiko sierto kosnan ta pasa den nos bida. Pakiko nos mester sufri perdida di sernan keri. Prinsipalmente ora e perdida aki ta di un yu ku, segun nos manera di mira bida, lo mester dera nos komo mayor i no nos komo mayor dera nan. Pero palabra di Dios ta siña nos ku nos mester bida prepara pa tur kos ku bida riba mundu ta pone den nos kaminda. Pasobra biba riba e mundu aki ta nifika, enfrenta tur sorto di temporada, situashon i momentu. Tempu pa hari, tempu pa yora. Tempu di goso, tempu di tristesa. Pero un kos si mi por bisabu mi amigu di kurason! Bo yu ta bon aworaki. E la yega kas. E no ta sufri. E no tin pena. E no tin dolor. Laga e saber aki, huntu ku e rekuerdonan bunita ku bo tin di dje sirbi komo bo konsuelo i dunabu e forsa pa bo sigui dilanti. Bida ta duna i kita. Dios si su amor i grasia ta pa semper. Karga esei den bo mente i bo kurason mi bon amigu, semper. Ku Dios su lus tira riba bo kaminda semper Eric!
Posted on: Sun, 03 Nov 2013 15:22:59 +0000
Trending Topics
Recently Viewed Topics
© 2015