Drayber Hubog Midasmag Angkas Patay Richard Grande Maayong pagkadasmag sa usa ka steel railings sa dalan ang usa ka single motor mga alas-4:00 ang takna sa kabuntagon didto sa Daang Maharlika Highway Rotonda Poblacion Bayugan City niadtong Agusto 11,2013. Ang biktima giila nga sila Sonny Boy Noya Pequillo 25 anyos walay trabaho residente sa Purok 19,Curvada Poblacion Bayugan City uban ang iyang angkas nga si alias George hingkud ang paunigon residente gihapon sa maong dapit ang midusmo sa maong dapit sakay sa ilang gidala nga motorsiklo nga nagtangag sa plaka numero KP 6015. Padulonng sa dereksyon sa sa Curvada Poblacion pagdangat sa lugar nga nahitabuan maayo niining pagkadusmo sa railings hinungdan sa pagkalagpot niini sa mga sakay diin ang angkas niini maoy nakaangkon ug dili tiaw nga samad sa iyang lawas samtang ang drayber nakaangkon lamang ug pangos samtang ang angkas niini nadala pa sa tambalanan apan pipila ka takna nakabasan kini sa hinulamang kinabuhi. Ang patayng lawas naa karon sa morgue sa New Bayugan Medical Hospital. Mag-uuma Gipusil Patay Richard Grande Patay ang usa ka mag-uuma human kini giluthang sa usa ka maguuma ra usab didto sa Purok 4 Barangay Poblacion Sibagat Agusan del Sur. Ang insdente natigayon mga bandang alas-9:30 sa gabii Agusto 11,2013. Sa kasayuran nga nakuha gikan sa buhahatan sa Agusan del Sur Police Provincial Office nasayran ang ang biktima giila nga si Celso Anob hingkud ang panuigon taga Purok 3 Mahayahay Sibagat samtang ang suspek giila nga si Antonio Precioso Sumugbo minyo residente sa Purok 2-A Barangay Poblacion Sibagat Agusan del Sur. Human nakadawat sa taho ang mga kapulsian sa lungsod sa Sibagat sa pagpanguna sa hepe nga si PIns.Jerry M.Fernandez nasuta nga ang biktima nagpahigayon sa inuman didto sa VedioK house ni Jocelyn Dayunot uban sa suspetsado diin nagkabikil sila samtang nagpahigayun sa pag-inum hangtud miulbo ang ilang panag-away hangtud nagsumbagay ang mga hingtungdan hangtud gilanit sa suspek ang .357 nga revolver dayon punting sa biktima tumong sa iyang ulo hinungdan sa iyang hinanali nga kamatayon. Tulo gayud ka bala sa armas ang naigo sa iyang dughan ug sa iyang ulo samtang ang suspek misurender sa kapulisan human sa insidente. Lalake Giihaw sa Nalisuan sa Maayong Pangisip Patay Richard Grande Patay ang usa ka lalaki human nga gidunggab gamit ang mahait nga hinagiban sa usa ka nalisuan sa pangisip mga alas-5:50 sa hapon Agusto 11,2013 sa Purok 1,Barangay Buena Suerte San Francisco Agusan del Sur. Sumala pa sa taho nga nag-inum ang mga hingtungdan sa tindahan nga gipanag-iyahan s ausa ka Bobong Agustin dihang naglalis ang mga hingtungdan diin ang suspek milanit sa iyang dala nga sundang dayong dunggab sa biktima sa iayng too nga dughan sa kilid lagbas sa iyang wala nga dughan hinungdan s aiayng kamatayon. Ang biktima wala na nadalas a tambalanan samtang ang suspek giaresto kini sa mga barangay tanod sa nasangpit nga lugar. Ang patayng lawas sa biktima gidala kini sa Nilo funeral Homes samtang gihimuan kini sa Post Morteem Examinition.
Posted on: Mon, 12 Aug 2013 05:03:27 +0000
Trending Topics
Recently Viewed Topics
© 2015