ENERGIA POSITIVO! Na e inauguracion di e veld di yerba artificial pa mini futbol Hungadornan di Brazil Jrs a goza un mundo di e clínica duna pa ex futbolista hulandes Aron Winter “ Ta importante pa e muchanan tin placer den e futbol, nan mester ta motiva y semper habri pa siña algo nobo”, esaki ex futbolista profesional hulandes, Aron Winter a bisa después cu el a duna un clinica di futbol na e hungadornan hoben di club di futbol Brazil Jrs . Diabierna atardi net prome cu inauguracion di e veld di yerba artificial nobo pa mini futbol na Centro di Bario Brazil, e hungadornan di e equipo di Brazil Jrs ya caba por a disfruta di nan veld nobo. Nan a participa na un clinica di futbol ofreci pa nada menos cu e ex futbolista profesional y alabez ex seleccionado Hulandes, Aron Winter, cu a wordo asisti pa dos entrenador cu diploma di KNVB, Etienne Silie di Corsow y Elvis Albertus di Aruba. E muchanan a disfruta un mundo di e atardi aki, unda nan a siña diferente componente di e tecnica y tactica di futbol, manera dominio di bala, con dribbel cu bala y scop bala den un miho forma. Na final a traha ekipo consisti di cinco y a hunga contra otro pa asina disfruta di e wega mas ainda. Manera un hungador di Brazil Jrs a expresa; “Ta un privilegio pa hunga riba un veld asina bunita, riba dje haya clinica di futbol di un hungador grandi manera Aron Winter”. E hungadornan di Brazil Jrs tabata e promenan cu a experiencia e iluminacion di e veld di mini futbol, esaki mas cu claro sosteni pa e energia alternativa pa medio di panelnan solar patrosina pa Philips Latino America. Un momento historico paso nunca antes e hungadornan a hunga futbol den oranan di anochi. Den futuro cercano, Gabinete Mike Eman lo sigui desaroya proyectonan manera e veld di yerba artificial di futbol pa nos hubentud. Mester envolvi nos muchanan mas tanto posibel den deporte. Dor di atrae mas clinica di futbol pa nos hobennan local, esaki lo yuda eleva e producto Aruba.
Posted on: Wed, 25 Sep 2013 11:25:59 +0000
Trending Topics
Recently Viewed Topics
© 2015