F A I A N O = (il mio paese) Faiano è nu semplice paese E chì s’azzard’a dicere città Po’ visità tutto nun ce voglion spese Pecchè è povero e nun ttene antichità Però purtroppo è sempre disprezzato Da tanta gente scema e imbecillita Ma nun o ssano ch’è situato Coppe a nu post che all’amore invita Sul ca è nu poco sparpagliato Nce stanno tante case mmiezze e piante Ma è accussì bbelle e chi c’è abituato Mmiezze a chesti fronne ride e canta Nce sta’ na piazza nce stanno e vie …..stradali Che manco a farlo apposta proprio adesso Songhe addiventate comunali E chesta è già na fonte di progresso E’ un po’ diviso nce stanno le borgate Ognuno si distingue nel rione O Baruncino e Maffe a Scontrafata Chello e Boccia e Limmiti e Sardone Nce sta fora a chiesa nce sta coppa Acquara O Licinuso Cussesso e a Turricella Abbasce e Pauline Fore e Cavalier Ccà nun se capisce niente è nu burdell O banco lotto e bbar a farmacia Dduie chianchieri na sola merceria O giornalaio u mamma mia Mo mme scordavo a posta e a latteria Po nce stanno chillo ro ggas S’hanno accucchiat hanno fatto na massa Elio Benedetto e Don Michele Bbont’e rienti nce tenen’o ffele Agip Alfa Liqui e Pipigas E speriamo che sta lotta nce durasse Pecchè ce sentimme tanta canzoni Cu cchelli radio appicciat a continuazione Giannino da benzì a Democrazia cristiana A sor’e Federico cu e gravuni Sul chi nun sta mmiezz Faiano Nun e conosce tutti a uno a uno Da Giovanni Garofalo a Rucchino o Salicone E pè completà l’opera Giovann’o Ciccarone Tutto questo sulo mmiezze a piazza Figuratevi po’ cchiù a part e fora Fra poco hanno costruì l’ati palazzi Ma chi o’ssà quanno vene l’ora O sali e tabacchi o stato civile O ccongia biciclette Luvigiella E si iamme nu poco po’ suttile Truvamme chissa’ quant’a sciartapelle Dint’a nu vico stritto e semi scuro Il simpatico dotto re Pisaturo E’ un pezzo grosso e sempre fa o premiero Però o studio ce lascia l’infermiero All’atu lato o cinema Aurora Gestito da famiglia Mal angone Nun ‘e spazioso e si nun o sapite ancora Nce ne sta nato in costruzione E se nun sbaglio so ggià cinc’ann Che masto Donato sta fravucanno Nce stà mastu Mario cu a falegnameria Proprio dirimpetto a sagrestia O furno e Tammurro a lapide de muort Che i combattenti sempe stann accort E scol pubbliche elementare Funzionano che nu modello E ppè l’igiene e la pulizia me pare Nce stà solamente na bidella A via da Frestola a via do sentimento Llà a sera si passeggia e si fa’ amore Eppure si fa freddo o tira o viento E coppie quann’è sera vanno ancora O scusate mo nun teneva ammente Che allà si va pure all’acqua fetente E’ digestiva e serve per purgà E si state male iatel’à truvà Nce sta nu bosco o sciummo e nu mulino E pure a via pe gghì a Mumtecurvino A chiesa è grossa nun nce stà da rice E chhiena e santi e ppo’ nce stann’e scann Però cca a gente son di Dio nemic E a messa a domenica nun vanno Però na cosa strana chesta e bell Vanno a pasca a natale e santaniello E se so andati quanno c’è a missione È sulo pe ffà nu poco e confusione A ffianco a chiesa o centro di cultura È sempre deserto però sempre dura E’ sempre solo e già ci ha fatto o callo Il povero professore Barbagallo Stammo nu poco a disagio cu a corrente Ogni tre e doie ammanca quann’e a sera A colpa è di Santullo ma o veramente Nun o sapimmo ancora se è over Però na cosa è certa quann’ammanca A Santullo non o truov e aspiett aspiett Se trova a scusa che se sent stanco Vai a casa e o truov dinto o lietto Coppe Acquara llà è pericoloso Llà è a roccafort punto e basta Capitano sempe cose curiose A sera s’arrobbano e pullaste E ccirene e spennane dint’a nuttata Ce levano l’ossa e cap’e i pier E se mangiano belli e preparati Facennesi servì d’o cameriere Quann’e a matina e stesse persone Fanno venì a rivoluzione Vonne egalline vonne sapè chi è o mast Pe ddinte e rrezze correne a vedè E appena vedeno altri pollasti “ehi amico stasera tocca a te! A fora a chesto nce sta nu mistero Hanno arrubbato a uno quattro vote Mi pare assurd e ca nun po succere O mariulo è stato sempe ignoto Però ment sotto s’arrubbava O lat’e coppe se fravicava Ascette o ditto accussì originale Che ‘è azzeccato e assai naturale “o sali e tabacchi hanno arrubbato e Peppe e spiccio ha fravucato poì lla’ nce stanno persone important cumm’a Vituccio e cumm’a Nunziante c’hanno deciso e si vonne spusà però a na marchesa se vonne piglià epo’ uh uh …..riavolo fallo me mme scordavo rafaiel cu o cavallo n’apoprofittamme per gridare in coro RAFAIE’ CHISSO TE MORE! Fore o licinuso vedite annuccate Tutte e feneste e tutt’e alcun Pecchè nce stanno appisi e sistemat Tanta cachini mele e melun Vicino a funtana vive AITANO E MURO Chillo che allocca: Signo’ a segatura Scendendo abbasce e machene a ddo ron Mattia Truvamm mo me scordavo nata via Che passa proprio a ddo sta Mambrino E ffa a finisce for’o Baruncino Girando a destra però pe vuie nu spero Putite i’ abbasci’o cimitero A sagliuta è pesante e ppè venì a via coppe Chillo do baruncino songhe tutti zuoppe Mo vedendo l’altre borgate Tutto regolare niente di strano E se mipermettete e mi scusate Turnammo di nuovo mmiezz Faiano Aqua potabile e gabinetto Proprio dirimpetto a farmacia Po nce stà o fiume san Benedetto C’arracqu’e terre e che traversa a via Rilorgio in fondo e il suon lontano manda E nu lavello sotto a na veranda Mo ven’o bello passo ai FAIANESI Nce stanno d’ogni genere ogni maniera Son un po’ fessi nun tenene pretese E tutti ccà sa piglian’a mugliera Nce stanno e grassi chilli sicchi sicchi Chilli a dduie tierz chilli un poco vasci Ncve sta quaccuno che fa ppur’o scicco E pure quacche catecatascio Nce sta chi parla a ret e chi da nanze Nce stà chi vo’ parla l’italiano Facennete abbuffà tanta na panza =ma nun ssano che nuie stammo ccà a Faiano forse pe na strana combinazione chi fa l’intelligente è semp’o cchiù cafone si parla di musica e di ciclismo se meneno mmiezze mo te paccarei pe’ Coopi e Bartali nce stà nu fanatismo ma è megli che me faccio i fatti miei dinta a pulitica nun vanno d’accordo chi è compagno chi è munarcone tutto chello ca si combina e chi so scor quanno se fanno l’elezion non tutti faticano o so specializzati ognuno s’arrangia ffà nu mestier truove accussì chi è disoccupato chi fa o scarpaio e chi fa o cavalier nce stanno e sanzar nce stanno e commercianti chillo che zappa e chi ca fa o sturente chillo che fa a guarda o il cantante e pure chillo che nun vo fa niente a sesso femminile è cchiù importante nce sta cchiu a dicere de signorine songhe tutte bbelle e affascinanti e fresche cumma a l’alba daa matina songhe eleganti sfoggiano gran lusso si mettono il profumo e a brillantina quasi tutte ccà pittano o musso quaccuna cu e capilli a LOLLO GINA avessev’e a vedè o iurn’e festa è fine e munno proprio nata cosa chi s’ingegna e scarpe e che na vesta e mpietto sempe nce na bella rosa il corso è popolato per mezz’ora annanze e arrete iamme tutti assiem po’ ognuno s’arretire e case loro restammo sul i maschi cumm’e sciem mo mme scurdave so’ tutte cantant vanno a cantà in chiesa e fanno a gar cu chelli voci brutte e penetrant se sentono da copp’o campanar mo’ vene o bello chesto è delicato chi cchiù chi meno tutte fanno amore chi tene o spasimante chi o fidanzat e chi nun tene proprio niente ancor e questa sera colgo l’occasione mi metto tutto a loro disposizione mi riferisco a quelle che son cortes escludo quindi quelle un po’ smorfiose ancora tante cose ma nun e pozze rice se no mi faccio ancora più nemici VI SIETE DIVERTITI ALMENO SPERO PERCIO’ MI FERMO E DICO…BUONA SERA Sabatino D’Amato Recitate in occasione di una rappresentazione teatrale
Posted on: Thu, 31 Oct 2013 18:36:58 +0000
Trending Topics
Recently Viewed Topics
© 2015