Finshi Tufwile Ukwishiba Pali Krisimasi? Abantu abengi nga nshi mu calo balasefya Krisimasi. Ico bamo basefesha, kufwaya ukuba pamo ne fibusa na balupwa wabo. Bambi nabo bamona ukuti e nshita batontonkanya pali Lesa, nelyo ukwafwilisha abapiina. Abacita ifi bamona ukuti tacalubana. Lelo icalenga ukuti balecita ifi pali ubu bushiku, ni co tabaishiba icalengele ukuti abantu batendeke ukusefya Krisimasi. Ica kubalilapo, abengi abasefya Krisimasi batila e bushiku ubo Yesu afyalilwepo. Lelo abasambilila ilyashi lya kale batila ubushiku Yesu afyalilwepo tabwaishibikwa. Icitabo icitila The Christian Book of Why casosa ukuti, “Abena Kristu bakubalilapo tababikile ubushiku bwa kusefeshapo ukufyalwa kwa kwa Yesu,” pantu tabalefwaya “ukulakonka ifyalecita abasenshi.” Na kabili, Baibolo tayalandapo ukuti Yesu alesefya ubushiku bwa kufyalwa kwakwe nelyo ubwa muntu umbi. Ico Yesu aebele abasambi bakwe ukulaibukisha, ni mfwa yakwe.—Luka 22:19. Ica bubili, abasambilila abengi balisumina ukuti ifingi ifyo bacita pa Krisimasi fyafuma ku bashali Bena Kristu e lyo na ku ntambi sha basenshi. Abantu nga balesefya balepeeleshanya ifya bupe, balesanika amakandulo, balekobeka amaluba, baleimika icimuti ca Krisimasi, e lyo baleimba ne nyimbo, kabili kwaleba na Father Chrismas. Icitabo icitila The Externals of the Catholic Church calanda pali fimo ifyo bacita pa Krisimasi ukuti: “Bushe twalishiba ukuti nga twapeela bamo nelyo ukupokelela ifya bupe pa Krisimasi, no kukobeka amaluba mu mayanda yesu na mu macalici ninshi tulekonka intambi sha basenshi?” “Bushe twalishiba ukuti nga twapeela bamo nelyo ukupokelela ifya bupe pa Krisimasi, no kukobeka amaluba mu mayanda yesu na mu macalici, ninshi tulekonka intambi sha basenshi?” —The Externals of the Catholic Church Nalimo kuti mwatila, bushe calibipa ukucita ifi fintu ifimoneka ukuti fyaliba fye bwino? Natulande pa mulandu wa butatu pa kuti twasuke ici cipusho. Lesa tafwaya tulekonka intambi sha basenshi pa kumupepa. Ukupitila muli kasesema Amose, Yehova aebele abena Israele abalekonka intambi sha basenshi ati: “Nalipata kabili nalikaana imitebeto yenu . . . Fumyeni apa icongo ca nyimbo shenu.”—Amose 5:21, 23. Cinshi Yehova akalipiile ifi? Tontonkanyeni pa fyalecita abena Israele abali mu bufumu bwa ku kapinda ka ku kuso. Imfumu ya kubalilapo Yeroboamu, yapangile ifimpashanya fya bana ba ng’ombe aba golde, no kufibika mu musumba wa Dani no wa Betele, kabili yaebele abantu ukulapepa aba abana ba ng’ombe mu nshita ya kulapepa Yehova Lesa pe tempele mu Yerusalemu. Imfumu yapekenye ne mitebeto, no kusonta bashimapepo abakwangalila abalesefya.—1 Ishamfumu 12:26-33. Abena Israele balemona kwati ifyo balecita fyali fye bwino. Balemona kwati balepepa Lesa, kabili balemusekesha. Nomba ifyo Yehova alandile ukupitila muli kasesema Amose na bakasesema bambi, filanga ukuti Yehova tatemenwe nangu fye panono pa fyo balecita. Ukupitila muli kasesema Malaki, Lesa atile: “Nine Yehova; nshayaluka iyo.” (Malaki 3:6) Bushe aya mashiwi tayaletulanga fye apabuuta tuutu ukuti Lesa tomfwa bwino abantu nga balesefya Krisimasi? Abantu abengi abatontonkanyapo sana pali ifi twalandapo balileka ukusefya Krisimasi. Lelo balatemwa sana ukuba pamo na balupwa wabo ne fibusa, kabili balatemwa no kwafwa abapiina pa nshita ili yonse iya mu mwaka. What Are the Facts About Christmas? Millions of people worldwide celebrate Christmas for various reasons. Some enjoy festive times with friends and family. Others think about God or devote time to helping the poor or needy. By themselves, these are undoubtedly worthy deeds. However, they are clouded by the dark side of this holiday. First, many celebrants believe that Christmas is a birthday celebration for Jesus. However, historians widely concur that the date of his birth is unknown. The Christian Book of Why notes that “the early Christians refused to set aside a date marking Jesus’ birth” because they wanted “to divorce themselves from all pagan practices.” Interestingly, the Bible gives no indication that Jesus ever celebrated his own birthday or anyone else’s. In contrast, he did command his followers to commemorate his death.—Luke 22:19. Second, many scholars agree that most Christmas traditions have their roots in non-Christian and pagan customs. These include Santa Claus, as well as using mistletoe and the Christmas tree, exchanging gifts, burning candles and Yule logs, hanging decorative wreaths, and caroling. Regarding some of these customs, the book The Externals of the Catholic Church observed: “When we give or receive Christmas gifts, and hang green wreaths in our homes and churches, how many of us know that we are probably observing pagan customs?” “When we give or receive Christmas gifts, and hang green wreaths in our homes and churches, how many of us know that we are probably observing pagan customs?”—The Externals of the Catholic Church You, though, may wonder what is wrong with following these seemingly innocent customs. Consider this third point as an answer. God does not approve of the blending of pagan customs with pure worship. Through His prophet Amos, Jehovah God said to His wayward worshippers in ancient Israel: “I hate, I despise your festivals . . . Spare me the din of your songs.”—Amos 5:21, 23. Why such strong words? Consider what the people of the northern kingdom of ancient Israel were doing. Their first king, Jeroboam, placed golden calves in the cities of Dan and Bethel and induced the people to worship these rather than to worship Jehovah God properly at the temple in Jerusalem. The king also instituted festivals and appointed priests to help the people celebrate them.—1 Kings 12:26-33. What those Israelites did was seemingly for a good cause. After all, were they not doing all these things in the name of worshipping God and pleasing him? God’s strong words through Amos and other prophets indicate clearly just how God felt about such practices. Through the prophet Malachi, God said: “I am Jehovah; I do not change.” (Malachi 3:6) Does that not tell us how God feels about the many Christmas celebrations today? After considering the above facts, millions of people have decided to abstain from celebrating Christmas. Instead, they find joy and true satisfaction in spending time with their friends and family and in helping the poor and needy whenever they wish throughout the year.
Posted on: Sat, 20 Dec 2014 07:29:13 +0000
Trending Topics
Recently Viewed Topics
© 2015