Frábær þriðjudagur endar eftir þrjá tíma og frábær miðvikudagur tekur við með innbæjarferð til sjúkraþjálfara og fl. skemmtilegt. Samskipti við ungmenni frá Frakklandi og Ameríku í dag er heimsóttu mig, voru skemmtileg og bauð ég þeim m. a. upp á hríseyskt soðið brauð, bakað í næsta húsi hjá Rósu Kára og er það besta soðið brauð sem finnst undir sólinni. Enda klikkaði það ekki og einnig bauð ég þeim upp á harðfisk frá Hvammi, sem er hríseyskur harðfiskur, og seldur í öllum betri verslunum í landinu, og klikkaði hann heldur ekki og var notað vel af smjöri með og sleiktu þau öll út um og rómuðu fiskinn og soðið brauðið. Síðdegis var það svo innbæjarferð og komu frönsku frakkarnir með mér og urðu eftir þar og kom ég þeim inn á Hótel Akureyri, en þau ætla að skoða Mývatnssveit og eitthvað fl. áður en þau snúa aftur til Reykjavíkur, en þar mun stúlkan dvelja þar til í janúar við list sína. Þau voru gjörsamlega heilluð af Hrísey og eru ákveðin í að koma aftur og dvelja þá einhvern tíma. Á morgun mun ég taka á móti skattinheimtumönnum landsins og ganga með þeim um eyjuna og segja þeim sögu hennar. Stundum er sagt að hugsunin sé æðst als. Verum yfirveguð, finnum okkur rétta stólinn, íhugum réttu hugsanirnar, jákvæða hugarfarið og hegðunina, verum hughraust, hreinskilin og finnum hvað við getum gefið og gert náunganum gott. Hvað finnst þér, spegilmynd? Ja, það kallar sannarlega á auga viskunnar og hugrekki að sjá ljóma dökku dagana og geta um leið fært heiminum birtu. Njótið miðvikudagsins elsku vinir, hann er ykkar.
Posted on: Tue, 03 Sep 2013 21:10:09 +0000
Trending Topics
Recently Viewed Topics
© 2015