HMAR STUDENTS ASSOCIATION JOINT HEADQUARTERS DELHI February 8, 2014 Hung tlung ding March 8, 2014 hin HSA, Delhi’n Delhi khawpuia Hmarnau haiin umni khâmin, ei ṭawng suk hmasawnna le thiem thil chi dang dang ei kawl hai pholangna dingin, ‘THIEMFIN (LITERARY AND ART MEET)’ ei nei ding a ni a. Hi ni hin inruolsiekna chi hrang hrang nei ning a tih. Hi ni hin Delhi Hmar society sunga pawl hrang hrang haiin programme dang lo siem lova, mi tu el khawma hi hun hi uop ding le inruolsiekna a ṭhang ngei dingin ei infiel a nih. Sd/ Zacharia Varte, Secretary, HSA, Delhi ******************* THIEMFIN (LITERARY & ART MEET) HUN HMANG DAN DING A hmun: Arunachal Bhawan A hun: March 8, 2014 (11:00 AM) Host: Nk. Hazel Pakhuongte & Tv. Lalneilien Inbuon 1. Mipui Hlasak: Aw Kan Hmarram 2. Hun hawng Ṭawngṭaina: Pastor Lalsiesang Zote 3. Thuhrilna: Tv. Zacharia Varte, Secretary, HSA Delhi 4. HSA Anthem Sakna: Tv. Zawlkapthang, Nk. Mercy Lalumpui & Tv. Lalhrietsung Sanate 5. Debate: Thuoitu ding Tv. Zacharia Varte 6. T-Shirt Designing Competition Result: Pu James Pusing Sanate, President, HSA, Delhi 7. Thuhril: L.Keivom (Topic: Hmar National Movement) 8. Hlaphuok Inruolsiekna: LUNCH 9. Hmar FC Jersey Designing Competition Result: Pu James Pusing Sanate 10. Hlasam (Poem) ziek insiekna: 11. Thuhril: Tv. (Topic: Career in Journalism) 12. Tlaitlan (Special Edition of Delhi Thurawn) Tlangzarna: Pu Lalhmingthang Songate (Tlangzartu: Pi Lalremsiem) 13. Quiz: Quiz Master: Tv. Gordon Amos 14. Lawmmanhai Semna: 15. Lawmthu Hrilna: Pu James Pusing Sanate 16. Ṭawngṭai Hun Kharna: Upa Dr. Lalsiemlien Pulamte INRUOLSIEK DAN DING Vengbuk Inṭhedan ding le Leader Ding hai*: 1. North Delhi: Tv. Lalhrietsung Sanate & Nk. Thelma 2. South Extension: Tv. Joseph L Mihriemate & Nk. Stephanie Lalduhawmi 3. Munirka: Tv. Joshua Pakhuongte & Tv. James Milienropui 4. Safdarjung, Mohammadpur & RK Puram: Tv. Michael Infimate & Tv. Dawnga Haokip 5. Dwarka & West Delhi: Nk. Sari Joute & Tv. Carson Amo 6. Mahipalpur & Kishangarh: Tv. Jehova Khawbung & Nk. Melody Varte *Achunga vengbukin a huom naw hai po chuh mani umna vengbuka intawka hnai takah ṭhang ding a nih. Debate: Topic: Should our customary laws and norms be rewritten to include womens right? 1. Vengbuk tina inthawkin mi pahni pei ṭhang thei an tih. 2. Round hni a ṭhe ning a tih. Round 1 a hin Group tina inthawkin mi pakhat peiin minute 4 pei hril hmasa phawt an ta. Round 2-ah Group tina a inthawkin mi pakhat peiin hril nawk an tih. 3. Vengbuk 3 ve ve’n mover le opposer ah ṭhang an tih. Vengbuk tinhai ṭhangna ding chuh hung inhriettir vat ning a tih. 4. Mover le Opposer a inthawkin Best Speaker pakhat ve ve’n thlang ning a tih. Quiz: 1. Quiz a hin participant bik um lovin mipui po po participant ning an tih, chu leiin vengbuk tin ṭhungna hran siem ning a tih. 2. Quiz topic a hin Hmar chanchin hlui, thu le hla le tulai Hmar hnam le inzawmna nei hrim hrim thil hai ṭhang a tih. Audio & Visual Round khawm um bawk a tih. 3. Quiz a hin point hmu rawn tak hai vengbuk lawmman siem ning a ta, mimala dawn indik rawn tak pahni hai kuomah lawmman pek ni bawk a tih. T-Shirt Designing: 1. T-Shirt Designing hi chi hni a ṭhe a nih: HSA Delhi T-Shirt le Hmar FC T-Shirt. JPEG (minimum dimension: 1000 X 1000 pixel) format in, February 28, 2014 chen hin delhithurawn@rediffmail le jpsanate@gmail-ah thelut thei ning a tih. Chi hni a lawmman pakhatna ve ve siem ning a tih. Hla Phuok Inruolsiekna: 1. Hnam le ram hmangaina hla, Hmar ṭawng hlir ning a tih. 2. Hla hi a solfa le siem ning a ta, Thiemfin ni hin a phuoktu’n a sak thei naw khawma, a saktu ding mi dang ruoiin sak a tih. Hla ziek copy thum hi ni hin thelut nghal bawk ding a nih. 3. Lawmman pakhatna le pahnina chen siem ning a tih. Hlasam (Poem) Ziek Inruolsiekna: 1. Hnam le ram hmangaina chau ni lovin thupui dang dang khawm Hmar ṭawnga ziek ning a tih. A tlawm takah tlar 7 ning a tih. A phuoktu’n Thiemfin ni hin inzawt a ta, hard copy 3 thelut bawk a tih. 2. Lawmman pakhatna le pahnina siem ning a tih. Hnam thuoma inchei mawi: 1. Hi ni hin hnam thuomin thei ang angin inthuom seng ning a ta, nuhmei pakhat le pasal pakhat kuomah thuom mawi tak lawmman pek ning a tih. Endiktu dinga ruot haiin mipui hai po po inthuomna lo en an tih. LAWMMAN DING HAI*: 1. Quiz: Pakhatna (Vengbuk): Rs.2000 + Certificate, Mimal lawmmanhai: Rs. 1000 + Certificate le Rs. 500/- + Certificate. 2. Hlasam: Pakhatna: Rs. 2000 + Certificate, Pahnina: Rs. 1000 + Certificate 3. Debate: Best Speaker hai: Rs. 1000 + Certificate ve ve. 4. T-Shirt: Pakhatna ve ve: Rs. 1000 + Certificate + T-Shirt 5. Hlaphuok: Pakhatna: Rs. 2000 + Certificate, Pahnina: Rs.1000 +Certificate 6. Hnam thuom mawi: Nuhmei le Pasal: Rs. 500 ve ve. *Lawmman pawisa zat hi a tlawm thei ang taka la tarlang a nih. Hi neka tam hin siem beisei a nih.
Posted on: Sun, 09 Feb 2014 13:25:44 +0000
Trending Topics
Recently Viewed Topics
© 2015