Happy Sabbath everyone. Let us ponder the lesson review this Holy Sabbath Day LESSON SUMMARY- November 23-29/13 The Pre-Advent JUDGMENT PASIUNA: Atong panghinauton nga kitang tanan adunay “background” sa tagna sa Daniel 7. Dili na nato ikasaysay sa detalye ang mga mananap nga nagsunodsunod nga nakita sa panan-awon ni Daniel. Moderitso na ang atong pagtoon sa ikaupat nga mananap sa Daniel 7:7,8 nga mao ang Roma; Pagano ug Papado ug sa Daniel 7:9-14 nga mao ang dugokan sa atong pagtoon mahitungod sa Pre-Advent Judgment. Ngano man gayud nga ang hustisya sa Dios aduna pa may Pre-Advent Judgment [Paghukom nga himoon sa dili pa mobalik si Jesus]? Sa “pioneering days” bisan pa hangtud sa 1950s dinhi sa Pilipinas kini nga pagtolon-an gitawag nga Investigative Judgment [Hukom Imbestigatiba]. Sa dagan sa panahon gikan sa pagka ugmad sa atong iglesya hangtud karon ug bisan pa man hangtud sa Pagbalik Ni Kristo wala ug dili gayud kini nga doktrina mausab. Apan ang ngalan lamang maoy nausab pagpahaum sa dagan sa “educational culture and consciousness. Ang Investigative Judgment adunay “connotation” nga ang Dios maoy sigi pangita og sayop sa tawo. Nga ang Dios walay laing gibantayan mao ra ang iyang sala. Kini nga “term” legalistic ra kaayo. Apan ang Pre-Advent Judgment naghatag kanato og talan-awon nga usa ka preparasyon o pangandam alang sa Iyang Pag-anhi. Usa ka talan-awon nga ang Dios adunay “due process” una pa ang final judgment sa kalaglagan sa yawa ug sa dautan. I MASUPORTAHAN BA SA BIBLE ANG DOCTRINA SA PRE-ADVENT JUDGMENT O INVESTIGATIVE JUDGMENT? i. Sa Genesis 3:9-13 mao ang unang nagpamatuod nga ang Dios, usa ka Dios sa “due process”. Nga sa dili pa Siya mosilot aduna ona imbestigasyon. “Adan ug Eba asa na kamo?” “Kinsa man ang gaingon ninyo nga mga hubo kamo?” Mikaon diay kamo sa bunga sa kahoy nga Akong gidili?” ii. Ang Dios nasayud unsa ang nabuhat ni Adan ug Eba, nasayud Siya kung asa nagtago sila! “He is an all knowing God”. Nganong nangutan pa man Siya? Gibutang sa Dios sa hunahuna sa tawo nga sa dili pa ang silot adunay imbestigasyon. iii. Genesis 11:5 “And the LORD came down to see [investigation] the city and the tower, which the children of men builded.” Mao kini ang gibuhat sa Dios sa tori sa Babel sa wala pa Niya libuga ang mga tawo pinaagi sa nagkalainlaing sinultihan. Nanaug ang Dios ug Iyang gitan-aw ang tori una pa sila siloti. iv. Matthew 22:11-13 naghisgot mahitungod sa sambingay sa kumbira sa kasal. “And when the king came in to see the guests, he saw there a man which had not on a wedding garment. And he saith unto him, Friend, how camest thou in hither not having a wedding garment? And the man was speechless. Then said the king to the servants, bind him hand and foot and take him away, and cast him into outer darkness there shall be weeping and gnashing of teeth.” v. Ang prinsipio sa Dios sa paghukom mao ang pag imbestigar una pa ang silot. Alang kang kinsa man ang “advantage” sa imbistigasyon? Sa nag imbestigar o sa giimbistigar? vi. Wala ang Dios magkinahanglan og imbestigasyon kay Siya nasayud sa tanan. Apan ang Pre-advent Judgment o Investigative Judgment kaayohan sa gi imbestigar kay aron siya makasabot nga ang paghukom sa Dios nagsubay og “proper procedure” nga mao ang “due process”. vii. Sa laktod nga pagka sulti ang Pre-advent Judgment o Investigative Judgment alang sa “advantage” sa tawo ug dili alang sa Dios. II ANG PANAN-AWON SA PAGHUKOM i. Daniel 7:1-7 naghisgot sa upat ka mga mananap nga nagsimbolo sa mga dagkung ginharian; Babylon, Medo-Persia, Greece, Rome. Ang ikaupat nga mangilgig og makalilisang nga mananap mao ang Rome: Pagan Rome & Papal Rome. ii. Sa ikaupat nga mananap (Rome) may nigitib nga gamay nga sungay nga lahi kay sa uban ug nahimo kining gamhanan nga nanghasi ug nakig gubat sa mga katawhan sa Dios. Daniel 7:8,21,23-25. Kini nga gamay nga sungay nga nahimong gamhanan mao ang Papal Rome. iii. Mahitabo ang Pre-advent Judgment/Investigative Judgment sa panahon nga kining Papal Rome nagpadayon sa pagpanghasi. Hangtud nga ang “Court Setting” sa langit nakita sa panan-awon ni Manalagna Daniel; 1. Daniel 7:9,10- talan-awon sa “court in session”. 2. Daniel 7:11,12-resulta sa paghukom sa mananap nga nanghasi. 3. Daniel 7:13,14- ang maong gahum sa mananap gikuha ug gibalhin sa Anak sa tawo (Jesus). iv. Daniel 7:9- Milingkod ang “Tigulang sa Mga Adlaw (Dios Amahan) ug uban sa libu-kalibo sa mga manolonda Iyang gisugdan ang PAGHUKOM ug ang mga Libro giablihan. v. Daniel 7:14, 14- ang ginharian sa yuta nga gikuptan sa mananap nga mabangis nga iyang gidaugdaug gikuha kini kaniya (mananap) ug gihatag ang pagbuot sa Anak sa tawo (Jesus) ug kini nahimo nga ginharian nga walay katapusan. vi. Mao kini ang gitawag nga “trial in absencia” kay ang makasasala wala gipaatubang sa hukmanan kon dili ang ilang record sa Libro mao ang giukay ug “giimbestigar”. vii. Ang Libro importante kini nga gihisgutan sa Bible; Psalm 69:28, Philippians 4:3, Rev. 3:5, 13:817:8-- Book of Life. Malachi 3:16—Book of Remembrance. Rev. 20:12 –Book of Deeds. viii. Kini nga paghukom mao ang “katumbas” o “equivalent” sa Earthly Sanctuary Most Holy Place) Day of Atonement nga gitawag sa mga Hebrohanon nga Yom Kippur (Day of Judgment). III PAGSUGOD SA PAGHUKOM i. Ang tin-aw nga “sequence” sa paghukom mao nga mahitabo kini samtang ang mananap nga mabangis sa Daniel 7 nanghasi, nanglutos, ug nagdaugdaug. ii. Ania ang “sequence”; Daniel 7:8 ang mananap nanghilabot sa “ubang sungay nga iya kining giibot”, nagsulti mga dagkung butang batok sa Dios. Dayon sa Daniel 7:9 misunod ang paghukom, ang pag-abli sa Libro ug magpadayon kini nga paghukom “hangtud nga mapatay ang mananap ug laglagon” kini nga Papal Rome. iii. Mao kini ang Pre-advent Judgment/Investigative Judgment nga gihimo didto sa Sanctuaryo sa Langit samtang sa pikas nga bahin ang gahum Papado nagpadayon sa iyang simbahanong gahum dinhi sa yuta. iv. Igo ra natapus ang “usa ka panahon, mga panahon ug katunga sa panahon” (1260 years) nga paglutos sa mga katawhan sa Dios niining Papado nga simbahanong gahum sa 1798 AD (pagdakup sa Papa sa Roma). Sa 1844 mao ang pagsugod sa Pre-advent Judgment/Investigative Judgment. v. Atong mahinumduman ang maong Simbahanong gahum igo lang kini napakgang apan mibalik ang maong gahum hangtud karon kay ang “samad nga daw ikamatay naayo ug ang kalibutan minunot ug misimba kaniya (Rev. 13). IV KANUS-A MATAPOS ANG PAGHUKOM? i. Ania ang mga han-ay sa pagkatapos sa paghukom; 1. Daniel 7:14- Ang Anak sa tawo (Jesus) gi- “koronahan” pinaagi sa paghatag Kaniya og “dominion”, himaya, ug ginharian gitugyan Kaniya. 2. Daniel 7:22- ang ginharian nga gikuha gikan sa mananap nga makalilisiang ug gihatag sa Tigulang sa Mga Adlaw ngadto sa Anak sa Tawo (Jesus) ug ang mga katawhan sa Dios Iyang gidapit sa pagpakigkauban ug pagpanunod Kaniya sa walay katapusan . Daniel 7:27. 3. Daniel 7:25,26- Ang rebelyon nga gidumala sa yawa pinaagi sa iyang ahente nga mao ang mananap nga mabangis NAPILDI UG NALAGLAG. 4. Daniel 7:10- Ang walay sayop nga paghukom sa Dios gipadayag. Dili tago o sekreto ang paghukom sa Dios kay kini Iyang gihimo atubangan sa libu-ka libo ka mga manolunda ang nag-alirong sa hukmanan. Sa maong paghukom napadayag usab ang gugma ug pagka matarung. 5. Busa sa katapusan ang Dios natuboy ug ang tanan miila nga Siya kaangayan, ug hustisya. Gihimo kining tanan aron inigkatapos na sa tanan ang yuta sa walay katapusan takus na poy-an diha sa kasigoro-an. ii. Ang Pre-advent Judgment/Investigative Judgment resulta kini sa katumanan sa paglaum sa Dios ug sa tawo. Ang plano sa Dios mao ang pagluwas sa tawo ug ang pagwagtang sa sala og nga wala na kitay pagduda sa Iyang gugma ug hustisya. iii. Busa ang paghukom mao ang garantiya alang sa eternidad ug masaligong relasyon sa Dios ug sa Iyang linalang. iv. Ellen G. White; “The great controversy is ended. Si and sinners are no more. The entire universe is clean. . . . From the minutest atom to the greatest world, all things, animate and inanimate, in their unshadowed beauty and perfect joy, declare that God is love. GC p.678. VI ANG PAGHUKOM MAO ANG ATONG KASIGURO-AN i. Si Hari David misinggit ug miingon; “Hukmi ako Ginoo” –Psalm 7:8. Nganong nangandoy man siya sa paghukom? Tungod kay sa Psalm 54:1 nag-ingon; “Luwasa ako O Dios pinaagi sa Imong Ngalan ug itoboy ang akong ngalan pinaagi sa Imong gahum.” ii. Dinhi gihulawgay ni David nga ang Dios, ang Maghuhukom ania sa atong kampi kay ang Iyang paghukom mao ang atong handumon o panganduyon. Psalm 26:1. iii. Niini nga punto nagpakita nga ang Pre-advent Judgment/Investigative Judgment dili maka pakgang sa atong kasiguro-an sa kaluwasan. Apan kini mao ang atong kasigurohan. Magmaya kita sa kalipay nga ang paghukom niabut na aron mobalik na Siya. iv. Dili nato ikahadlok ang paghukom kay kini pabor alang kanato nga naa sa pag-alagad. Walay kaluwasan kung walay paghukom. VII SECOND COMING IS REWARDING TIME NOT JUDGMENT i. Sa Iyang pagbalik dili maoy panahon sa paghukom kinsa ang madawat ug dili madawat sa ginharian. Tapos na ang paghukom sa Sanctuaryo sa Langit. “Fix” na kinsa ang maluwas ug malaglag. Kay ang paghukom sa langit mao ang pagsilyo sa atong “final choice” kinsa atong alagaron. ii. Alang sa mga pinasyalo, ang paghukom naka palig-on sa atong kasiguro-an. Kini maoy hinungdan nga ang Dotrine of judgment himoon nato nga kinataliwad-an sa atong doctrina. iii. Karon nibalik na si Kristo, nagpadayag na sa kalangitan. . . . unsay atong gipaabut Kaniya? Revelation 22:12 “And behold I come quickly and my REWARD is with Me to give man according as his work shall be.” Emphasis mine. iv. Matthew 16:27- “For the Son of man shall come in the glory of His Father with his angels; and then He shall REWARD every man according to his works.” Emphasis, mine. v. Sa pag-anhi ni Kristo mao ang “rewarding” dili na judgment kay natapos na kini didto pa sa langit. Ang balos na mao ang mapaabut. Balos sa mga pinasaylo ug panimalos sa mga wala maghinolsol. vi. Aniay gusto nako ipasantop; “As far as salvation is concern, faith and faith alone that works. But as far as life eternal is concern, it is a reward of good works. Thus the REWARD. PANAPOS Mao kini ang naka tahum sa Doctrine of Sanctuary sa atong iglesya nga wala sa ubang simbahan. Nga ang paghukom usa ka “event” nga dili kita angay malisang kung dili malipay tungod kay walay pagbalik ni Kristo kung walay paghukom. Angay kita malipay kay ang kadaugan sa atong “kaso” nga naa sa Libro, anaay atong Advocate, the Parakletos, who is on our side of the “court hearing”. Ang atong kadaugan dili tungod kay kita dumadaog apan tungod sa atong Parakletos. Kung ang imong chapter sa life mao na ang mabuksan sa Libro didto sa langit, unsa ang imong mapaabut? Kamatayon. Apan bisan unsa nga Record ang naa sa Libro basta ang dugo ni Jesus nakahugas sa atong sala ug Siya mao ang atong Advocate nga Parakletos, ayaw na pagduhaduha sa kaluwasan. SURE KA NA SA PAGBALIK NIYA. OUR PRAYER, LET THE JUDGMENT BE PROCLAIMED! NOW LORD, for life in this world is getting harder everyday. Your JUDGMENT is the final solution to put an end to these problems we are facing. Come quickly Lord, come. Amen.
Posted on: Fri, 29 Nov 2013 22:49:59 +0000
Trending Topics
Recently Viewed Topics
© 2015