I-League 2nd Division 2013-14 ah Aizawl FC. I-League 2nd Division 2013-14 Final round Aizawl-ah khelh a ni dawn bawk. Vawiin ni 21.11.2013 chawhnu lam khan Aizawl FC chuan AIFF atangin I-League 2nd Division 2013-14 khel thei tura kan document thehluhte an pawmna- Provisional Clearance chu an dawng. Aizawl FC ten I-League 2nd Division 2013-14 an khel thei tur hi an hlimin an lawm hle bawk. Kumin hian Criteria an tikhirh leh zual a, document an duh ulukin an duhtui em em bawk a. Hetiang kara Aizawl FC an han tling thei leh hlauh mai hi Mizoram tan a lawm tak zet a ni. I-League 2nd Division 2013-14 atan hian Club 10 chu pawm an ni a. Chung Club te chu - Bhowanipore, Kalighat, Royal Wahingdoh, Green Valley, Eagles, Hindustan FC, MP United, Aizawl FC, Kenkre FC, PIFA Colaba te an ni. Preliminary round hi a khelhna hmun tur la chiang lo mahse, December chhunga neih hman ngei tum a nih thu football website thenkhatah tarlan a ni bawk. Sikkim United leh Mumbai Tigers ten Final Round-ah an rawn zawm ve leh bawk ang. I-League 2nd Division 2013-14 Final round hi Silchar-ah leh Aizawl-ah khelh tur a ni. Chutihlaiin I-League U-19 Final round hi Jamshedpur ah khelh a ni thung ang. Aizawl FC team official te chuan I-League an inpet kai ngei theihna turin tawngtaia pui turin leh thurawn pe turiun Mizo mipuite an ngen thu an tarlang bawk
Posted on: Thu, 21 Nov 2013 16:44:37 +0000
Trending Topics
Recently Viewed Topics
© 2015