IENGLEIA MIZORAM GOVERNOR AN BAN? Ei hung post tah angin zanizan khan India President chun Mizoram Governor Kamla Beniwal (83) chu ban a nih thu a suok a ni kha. Mitam tak in chuong te thut a ban a ni nasan chu ei hriet chak awm e. Times of India in an website a news report an tarlang dan chun Mizoram Governor Kamla hi Gujarat Governor a ni lai a an khuo Jaipur, Rajasthan a sorkar hrietpui lo in sorkar sum seng tho siin a anzin nasa taluo a chu chu tulaihnai khan hrillang a ni a, national tv le newspaper han an tarlang chuoi chuoi a ni. 2011-2014 sungin Gujarata inthawkin Rajasthan ah hin sorkar sum sengso in vawi 63 vuongna in a vuong a, vawi 53 zet Jaipur kan in a vuong hman a ni . Anzinna sengso hi Rs.Vaibelse 1.5 chuong nia sut a ni. Indik naw taka Gujarat state sorkar sum hmang ni a intum a ni tak lei hin Governor a nina a inthawk hin an inban tir ani ta tak in an lang ta a ni. India Prime Minister nilai Narendra Modi hi Gujarat Chief Minister a ni lai khan Kamla Beniwal hi Gujarat Governor a ni a, Governor chun Gujarat Lokayukta dinga retired Justice R.A Mehta a ruot a, chu chu Narendra Modi hin ama rawn lo a thaw ani leiin nasa takin a lo sawisel tah a, national news ah hai anni 2 in ngei lo thu an lang chuoi chuoi kha ei la hriet seng awm e. Kamla Beniwal hi congress party mi le sa hlun tak niin UPA sorkar khan Governor ah an ruot a, hienga BJP keihruoi NDA in sorkar laipui ah lalna an chang tak hnung hin a hun tawp tawm hnai a Gujarat a inthawkin Mizoram ah an hung sawn ta a, thla 2 chau hun a nei tah ti ah hienghin an inban tir sunzawm nawk ta a ni. Mitam tak chun BJP an sorkar tir khan a ma in Governor a inthawk hin banna a thelut el an ring lem hiela, inbannna thelut bik lo in hieng hin politics tienga an hmelma BJP kaithuoi sorkar ah khawm iemani chen chu Governor a ni sunzawm a nih kha. Kamla Beniwal hi 9 July 2014 khan Mizoram a hung thlung a, Mizoram ah thla 1 khawm a la um tling hma in hienghin India President chun a hung ban (sacked) ta thut ani tak hi maw. Pix: Kamla Beniwal in 9.7.2014 a Lengpui airport a hung thlung hlim lai. Courtesy: DIPR
Posted on: Thu, 07 Aug 2014 01:16:21 +0000
Trending Topics
Recently Viewed Topics
© 2015