INTERNET FIRFIAKA CHET NAN HMANG TANGKAI; Robert Hannigan. Government Communications Headquarters (GCHQ) hotu Robert Hannigan chuan mi suaksualten duhthu thalin internet hi firfiak pawl hmanraw tangkai tak a lo ni ta tiin US tech company, Google, Microsoft leh Facebook neitute chu tunlai firfiaka chetna thlengah a mawhphurtu ni tel ve-ah a puh a ni. CGHQ hi British intelligence leh security lama thuneitu sang tak a niin British sorkar leh armed forces te reng reng signals intelligence petu a ni a,a hnuaiah hian Joint Intelligence Committee an awm a, Security Service (MI5), the Secret Intelligence Service (MI6) leh Defence Intelligence (DI) te khaikawmtu a ni. CGHQ Director Robert Hannigan chuan, “al-Qaeda pawl chuan internet hi a ruk a rala an hman tangkai laiin Islamic State chuan internet hi khawvel mipui rikrap nan, thawhlawm khawn nan leh an pawla lut tura thalaite sawm nan an hmang tangkai hle thung a, tech company-te tanpuina tel lo chuan sorkar ang chuan internet a tha lo zawnga hman hi kan khap thei tawh lo va,ISIS hian Facebook, Twitter leh WhatsApp te hi sual rawngbawl nan kan hmang tangkai hle a ni’ a ti. Counter Terrorism Internet Referral Unit (CTIRU) chuan firfiaka chetna fakna leh sawimawina content 49,000 zet internet atangin an paih tawh a, Scotland Yard head of counter-terrorism Assistant Commissioner Mark Rowley chuan kartin online posting 1,000 lai an paih ziah niin a sawi.
Posted on: Tue, 04 Nov 2014 11:25:42 +0000
Trending Topics
Recently Viewed Topics
© 2015