INTSHA YAMANJE Chapter 1 and 2 Intsha yamanje - one Who runs the world?kumemeza uSenzile egijima esiya kubangane bakhe Labo bamphendule kanye kanye, girls! Wawungafunga uthi kusestadium emveni kokungena kwebhola ezintini ngoba baphakama bonke kanye kanye baqala ukuyeqa yeqa bathi ukugidisa okungamaqodlwana kwabo lokhu. Abuye akhalele njalo uSenzile, who runs the world?. Girls!, bavume njalo beqelane baqale ukwangana beqabulana izihlathi kuzwakale ubu mncwah mncwah Kwakulixhuku lamankazana asakhulayo ke leli. Babebahlanu kanti njalo babeziphe ibizo bathi bayi Cool Babes (CB) Babehlangana lapha eStudio kutshiwo phela lesi sihlahla ababethanda ukuthwebulela izithombe. Babethi nxa sebethe gwaqa wawuzwa nje sekuntwintwizwa isiNgisi lesi esasikhutshwa ngamakhala. Okwakubuya kumangalise kakhulu yikho lokhu ngoba babethi nxa sebengene eklasini simane sichitshe umuntu aphenduke isimungulu. Angazi ke loba kwakusenziwa yini. ICool Babes iqeqetshwa nguye uSenzile owayengungqondongqondo walaba abane. Yena kangikulumi phela kwakumnyama ebusweni bempisi ngoba kwakuthi lalapha behlolwa ezifundweni zabo wayengatholi lasibi sokukodwa nje akwaziyo phakathi kwemibuzo elitshumi lahlanu. Wayehlala njalo eyinhlekisa kuze kuthiwe kaphakame avale umnyango. Lonina wayephelelwa acabange ukuthi mhlawumbe ukhona owayethakathe umntanakhe ngoba emehlweni wayeliqhalaqhala intethe yebusika. Girls remember the surprise I wanted to show you,?asikhiphe ngamakhala okukandlebezikhanyilanga. Batatazele laba abanye sebemhanqile okwamanqe egombolozele inkomo efileyo. Out with it please, nguCynthia egida amantshomane sokungasamvumeli ukulinda. Tha ra ra, ahwatshe umgqala wohlobo lukamakhalekhukhwini abalubiza nge galaxy tablet. Wow, I cant believe this girl!kwethuke uJoy esemilwe ngamahlwayi eklabalala It must have cost you a fortune,sekubabaza uWini enkeme umlomo. Thats my baby I cant believe my dreams have come true!nguye njalo umqeqetshi onguSenzile eyivula edweba dweba ngozipho ebonisa abanye bakhe. Yabatshazwa yanconywa itablet le ngoba ngalezonsuku yayihamba phambili kunhlobo zabomakhalekhukhwini. It doesnt mattter how much it cost me what matters is its now mine!,nguye njalo ecabanga ngendlela ayeyithole ngayo lifoni kodwa engafuni ukuthi akhulume iqiniso. Kawubonanga wena IStudio sabo saphenduka istudio seqiniso sekuhlutshulwa impahla zesikolo kuntshintshwa kugqokwa ama skinny jean, amatight kangikhulumi phela lalezingubo ezimfitshane ezilandela umzimba uthole umuntu sesehluleka lokukhothama lokhu. Saba yisithumuthumu sekuyibu give me facepowder, pass me the mirror. Bakhuza imihlolo ababehambela phansi kwalapho ngoba babona ukudla kwamehlo. Amakhanda la athukululwa inwele lezi ezazibotshiwe zakanywa zagcotshiswa zaphenduka uboya bukamangoye. Bathe ngokuthi beneliseke ukuthi sebebahle bacela omunye ubhudi owayedlula lapho ukuthi abathwebule izithombe. Kwezwakala uku khaxa khaxa kuthwetshulwa ngababili ngabathathu baphinde bathi ukubabonke. Thank you brother, nguSenzile lowo eqhubela lubhudi imali. Sure, azihambele umuntu wenkosi kambe wayengathini phela imali kayaliwa. Abaze bawaphozisa amaseko basebeqele kuma social networks bezithumela lezizithombe kufacebook, twitter, skyppe lamanye nje engingazi kuwabalisa wonke. Yabika ukungena kwemibiko itablet sekungathi lirobothi lasenzikini yedolobho. Bayifunda imbiko yabo eyayibaqumbaqumba eminengi yayo yayiphuma ebantwini besilisa, add me girls can I take you out here is my pin you look so cute can we meet Zazibachaza lezimpendulo okwathi ngemva nje kwemizuzu emihlanu basebethole chitshe ezingaba ngatshumi amahlanu! Yayinjalo ke impilo yalaba. Abanye abantwana besikolo basebeze bebazi njalo bedlalela khatshana labo ngoba babekhohlakele bebhalwe inkohliso. Abazali babo babengasazi lesi siphithiphithi bemane nje bethi abantwana babo bayalalela bengazi lutho ngendlela ababezithoba ngayo phambi kwabo! Ozeleyo ulomlandu wayeqinisile owaqala lesi saga. USe leqembu lakhe basebangenwa yikuqamba amanga ikakhulu nxa sebefuna imali babethi balahle ingwalo zesikolo ngakho kuthiwe bazikhokhele, kwezinye insuku kudliwe imali zokubhadala esikolo kuthiwe ilahlekile. Babeyikhwabitha impilo yabo le kungelampahla abangayithengiyo abayifunayo. Lezihlangu lezi wawuthola sebendiza emoyeni bethi ukutshiya begebhe amagodi. Ngiqinisile ngiqinisile ngithi aluba abezemnvelo babengakubona lokhu babengathatha inyathela. Baphenduka oLady Gaga laboRihana. Wini you can take my blackberry I dont need it anymore, atsho eyinika uWini. Wabonga wancinciza uWini, lokhu phela nguye yedwa phakathi kwalaba owayesasebenzisa uhlobo oludala kanti abanye basebephatha ezidulayo. What am I going to say to my father?azibuze njalo ngoba wayemesab ukufa uyise. Tell him its a present or make up a story, badilike ngohleko sebebona uWini eqhaqhazela Ifoni yebo wayeyifuna kodwa wayezathini ngakibo? Isipho? Esani? Sivela kubani? Adle ingqondo abhoboke ngathi,okay girls I think I have a plan, Bangamnaki laba ngoba yayingadingi bona leyo wayezazibonela yedwa uWini Banjalo phela abangane kubamnandi nxa lilonke livumelana ulutho kodwa nxa zingathi ukubheda usala sumi wedwa sebephenduke umswenya. Wayesekhuluma yedwa lapha ngoba kakho loyedwa owamnakayo sebegogodlele amafoni sekusebenza iminwe, kubonakale ngezihlathi zixotsha indlebe okanye kuzwakale ukunxapha angazi kuyabe sekutheni ke lapha. Intsha yamanje: two Kambe Senzile yikulala bani lokhu? Umntwana oyinkazana olala ilanga lize lingene emlonyeni! Akuvuke bo,nguMaHadebe intombi ezala uSenzile Hmm, mm, ngiyavuka mama, azelule azamule uSenzile abuze kunina, kanti sekuyisikhathi bani mama? Usabuza futhi abanye abantwana sebethanyelile amabala akwabo wena ulokhu ukleza impisi!wakhwaza uMahadebe waqonda efastelini lapho afika walivula wadonsela amakhetheni le emaceleni. Agubuzele uSenzile esizwa sekungena intshongolo yekuseni. Nxx uyazi wena awungizwa yini? Aqonde embhedeni kaSe afike ayilabhulele le ingubo okomuntu elabhula inyoka efileyo. Hawu mama angithi namhlanje ngumgqibelo?sekloloda uSenzile esecunulwe yisenzo sikanina. Maye maye Jesu wami yikuyini lokhu okuvela ngaphansi komqamelo? Khuluma we nkazana awusisimungulu!wavula awembuzi ephekwe lempondo uMaHadebe ebona itablet le. Wakhuza imihlolo wavele wayidobha okokhozi luhwitha itshiyane. Wayithinta thinta yalayitha wethuka kancane wabuya wakhangelisisa kuSenzile ethi,uyithethephi ke litablet ngoba ngazi usebenzisa iblackberry owayithengelwa nguyihlo njalo kuyisipho sosuku lwakho lokuzalwa? Yiyo ekulalisa ebusuku abadala sebelele? Mama bisa ngapha ifoni le uzaphazamisa amasetting kayisoyami ngeyomngane wami,elule isandla ethi unina uzamqhubela. Ngci ngci ngci kandoyi, kufunga unina, ngubani lowomngane ngifuna ukumazi!wayinamathela umaHadebe selokhu laye eyithinta thinta okungapheliyo. Ngalesisikhathi ukuhlakanipha konke kwasekuphelile, sekumnyama ebusweni bempisi. Wazama ukudinga iqinga ayezaphunyuka ngalo wadla ingqondo. Umaqingasi wacina eselitholile alenza unina wakholwa wavuma wazisola ngolaka lwakhe. Uyazi umngane wakho lowo kumele abhadale sibili ngoba nxa ezadabula ingwalo lezi engizithenge izolo lokhu, langentengo ephezulu kangaka!ngicela ungamniki lifoni mntanami uyezwa?Ushangani wayeseyentshile acapha amankomokazi! Wayenjalo phela uMaHadebe, wayevuka ngolaka olwengwekazi kodwa okuSenzile kuvele kumgoqe abuye adede acine sephole okwemvu. Kwasekumazi unina phandle laphakathi njalo wayengenelisi ukumenqabela ukwenza ayekufuna. Yingakho uSenzile wamtshela ukuthi kulomunye afunda laye odabule amabhuku akhe wasesiya ngakibo wafika wathatha itablet kayise wathi uzabapha baangambhadala. Wavumela phezulu unaSenzile ethi wayehlakaniphile umntanakhe, kodwa uthe esesithi uzayigcina yena kwabuya kwawatsho avela amthena waba yinkabi ingena emfolweni. Thatha nansi mntanami kodwa ungabaphi uyezwa?Setsho semqubela. Waqala ukukhuluma yedwa sebalisa ukudula kwalawomabhuku! USenzile wathi nje ukuyamukela weqela kuwhatssap sekuxoxwa labangane. Ithi umuntu aphume lapha endlini sekhuluma yedwa njengohlanya,lakanye sakhala isivalo eyokuthanyela ibala sikhohlakele. USenzile wayebonakala ngeminwe nje ilokhu idweba idlala uthatshi angazi wayedwebani okungapheliyo.Ayeqale ukukhuluma laye nguJeff umamthengela litablet kubuzwana amavuko njengezithandani eziseselothando olutsha. Kwaxoxwa wena ongaboniyo wabona inkazana iqumba qumbeka ihleka yodwa okohlanya. Zazimnandi phela ziyiluju kanti loJeff wayewabeka kamnandi amazwi akhe esazi lokuwakhetha. Bavalelisane ngoba laye uJeff wayesezwe ikhosikazi lakhe liphuma ekamelweni lisiza kuye. Sinjalo phela isikhathi sokuntshontshwa sifitshane siyilokhu okubizwa ngamaNgisi bethi limited SENZILE : Galz u wont blv ths ma mom almost gav me a heart attack! (Nguye lowo sethumela iqembu lakhe leCool Babes phela ayencitshiswa lamagama kuwhatsap yabo le) MARTHA : Eish I wonder wat u told her CYNTHIA : dont tel us u got a hiding knowing u WINNI : mothers mothers mine bores me to hell JOY : out with it u takin long SENZILE : whats my name? JOY : I knew it! CYNTHIA : family time gals tok later (offline) Iqhubeke ingxoxo kulaba kuthi uWini avalelise esizwa unina loyise bekhuluma phandle engadini. Ethuke athathe ifoni yakhe ayifihle lapha okwaziwa nguye yedwa. Wayengakamtsheli unina ngalifoni njalo esesaba ngoba babezamthathela bethi izaphazamisa izifundo zakhe. Wayengaba yini bantu engasela foni, leqembu leli ayesekulo lalizamkhafulela katshana le. Usaba lwami lolu solufuna ukuhlanyelwa, nguMaMoyo unakaWini equnta qunta inkotha phansi kosaba lwakhe. Kunjalo nina sesiyake siphumule ukuthenga emsikeni, atsho uDlodlo usekaWini exhuma ihorse pipe ethelela amatamatisi engadini yabo. Bobabili laba babethanda ukuzilimela ingadi yabo. Kwakusithi ngomgqibelo wodwa ekuseni bevukele engadini bebamba bamba ngoba ubaba walapha ekhaya kuyabe kulusuku lwakhe lokuphumula. Yena uMaMoyo wayencedisa ngokwenza imisebenzi yezandla njengokuthunga amalembu amasofa, amadoyili lokunye nje okokuhlobisa endlini. Isikhathi esinengi wayehamba lakho ayekuthengisela phetsheya kwelizwe. kuthelelwe kuhlakulelwe kube yisiphithiphithi. Kanti kwenzani lokhu ematamatisini ami, nguDlodlo ehlifiza okuzintwala okasekuthole ikhaya ezihlahleni zakhe. Musa baba, ungazicoleli emahlamvini liyasala lisitsha. Lezi zifuna uzithele umuthi lo engiwuthenge izolo,sesitsho inina lakwakhe lithatha lowomuthi liwuthela phezu kwalezintwala. Uyabona wena yikho ngakutshada. Sondela lapha phela ngikunike umvunzo wakho, amsondelele emqabula ezihlathini. Bathandelane okwegoda lenkabi. Phela lwalusavutha bhe lulamalangabi olwalaba bobabili. Wawungeke utsho ukuthi kwasekuzelwe abahlanu abantwana ngendlela olwalulavuka ngayo. Olwentombi lejaha lwalusala phansi! Heyi rina buyerani ebhedirumu riyetandana tandana konare, bahleke bobabili besizwa izwi likamakhelwane wabo uPhiri. Wavuka ulolaka singaphi isiqabhobho sakho wezwizweni,amqale uDlodlo ejwayele nje ukumbiza njalo hayi ngoba emeyisa. Shiqabobo shiqabobo shakutini rapa angithi urere re konare komarumake, aphendule elahla izandla emlandula. Mama lobaba itiye silungile, aphazamise linkulumo uWini ebiza abazali bakhe eviyocile. Siyeza maWiniza, avume unina esiyageza izandla empompini phandle lapha. Kanti wena ndizhwire kuti beritata snepu izholo eshikorweni shenu, awaqondise kuWini uPhiri, kutwa berigcokire zigcebhezhana ezhiso, atsho uPhiri alingise langezandla ebambe imilenze yakhe ngezandla. Ethuke uWini ebona ukuthi lindaba izacina sisiyakhatshana ikakhulu uyise angayizwisisa kuhle.. Watch out for chapter 3 Pls like and share my page Jestina Msipha -Writer of Short Stories
Posted on: Mon, 02 Jun 2014 23:27:41 +0000
Trending Topics
Recently Viewed Topics
© 2015