JULY 8 – RU BALITA ALAS KWATRO SUBLING gipahinumdom sa Department of Labor and Employment kon DOLE rehiyon 10 ngadto sa mga agalon nga iparehistro na ang ilang mga katabang ug tumanon gayud ang nalatid sa Kasambahay Law nga niadtong pang Enero 18 napatuman sa tibuok nasud. Matod ni DOLE-10 Director Atty. Johnson Cañete, kauban nila sa presscon kaganiha sa buntag ang mga ahensiya nga mokuha sa kontribusyon isip benepisyo sa mga katabang sama sa SSS, Philhealth ug Pag-ibig. Sa pakighinabi sa Radyo Ultra, gipasabot sa opisyal nga unta niadto pang Enero aduna nay employment contract ang mga katabang ug kinahanglan hatagan og payslip sa pagkuha og sweldo nga gidedakan sa ilang contributions sa SSS, Philhealth ug Pag-ibig. Dugang ni Cañete, sa dili motuman nga mga agalon, mihangyo ang opisyal sa mga katabang nga modangop sa ilang buhatan aron ilang maaksyunan. Sa pagkakaron, gibutyag sa opisyal nga ubay-ubay na ka mga agalon ang nakaparehistro na sa ilang mga katabang.
Posted on: Mon, 08 Jul 2013 08:16:21 +0000
Trending Topics
Recently Viewed Topics
© 2015