Joke Ek ladkey ka ek ladki se sachcha pyar thha, saarey gaon ko pataa lag gaya. Gaon walo ney ladkey ko ladki key gaon may ghusney par rok lagaa di. 2 pehlwan pehre par baitha diye. Ladkey ney shiv ji ki tapasiya ki, shiv ji ney vardaan maangney ko kaha. Ladkey ney vardaan manga ki mein jis ko kahun mar jaa to wo mar jaaye. Tathastu keh key shiv ji chaley gaye. Ladka apni premika sey milney uss key gaon chala gaya. Pehlwano ney roka to ussney keh diya dono pehlwan mar ja, wo dono mar gaye. Ladki key ghar pahuncha to ladki ka baap talwar dikha kar bola chala ja varna kaat doonga. Ladka nahin gaya to jaisey hi uss ney talwar uthhai ladkey ne bol diya ladki ka baap mar ja, wo bhi mar gaya. Ladka ladki sey galey mila aur bola ab chinta mat kar ab hamey milney sey koi nahin rok sakta. Teen aadmi maar diye yeh baat sub jagah fail gayi. Ladka vaapas apney ghar aaya to ladkey ka baap gussey may gandasa le kar aa gaya. Jaisey hee gandasa opper kiya to ladkey ney bol diya mera baap mar ja. Ladkey ka baap to nahin maraa magar ek padosi mar gaya.
Posted on: Wed, 24 Jul 2013 04:32:45 +0000
Trending Topics
Recently Viewed Topics
© 2015