Jung Tawn Ai N’Gun KaBa Jung tawn sai n’dai ten na anau ni a n’gun gaw shani ka-ang na jan pungding shingkang zawn ja gaprang dik nga sai the,kabye tsap tawn sai annau ni a dahpran n’gun mung lapyi rawng dik nga sai ten, myit n’san na zawn re masa hpe koi yen kau n’na,n’dai lang jamjau yak kaba gaw jahtum majan she rai nu ga, myen a mang hkang masa hpe yu yang shanglawt lu na gaw annau ni hpang de gayin wa nga sai ngu mu ai . mungkan na yu maram dip n’gun jaw nga ai ten annau ni shawng de yawng a atsam n’gun the lahkrip ra ra sit sa ga.sinat hpai dang ai yawng hpe laknak shakap tawn ra sai. Masa kaba htu ganawng shamawt galau nga ai ten,ningbaw ningla SLg kaba ni shani ga-ang yup dam dam ai zawn re masa de n’woi sa hkra,myit masa grai n’kung shi ai ni um ang chye ai mabyin masa hpe koi yen kau lu yang kaja dik ai ten re the,lagaw hkang hpe ngang ngang kabye maram tsap ra ai.hkrang grai n’shapraw yang shawng lagat yu ra ai zawn galaw dat sai ,shut ngut sai hpang dawn kau na ,sum machyi mat sai mabyin ni hpe n’htang shabai lu na n’loi ai hpe dum n’na myit malai kalang bai n’lu hkra.969 the 786 ni a mabyin hpe yu ,annau ni ya she kasu rawt wa ai ram rawt myit n’gun hpe shadaw kau ai masa n’pru hkra grai sadi ra ai .annau ni a buga ginra hta prat janat n’galaw ga ai.annau ni yawng a ahkyak salum sin pai rai nga ai Laiza kaw lamang kaba galaw na matu shawng hpang dinglit dik yu ra ai. [Hka jaw Poi] zawn re hpe madu mungdan grai n’lu shi yang grai sawn yu na galaw ra ai.969 the 786 lawu ga ni a mabyin manghkang hpe gang achya bang ai zawn re hpe sadi koi kau ga.mung shawa yawng a myit hpe ginraw shanut kau ai masa hpe sadi yang kaja na re ngu mu ai.machyi ai ningma hkang dingsa hpe ahprun ai n’tai u ga.Myu kaba ladat,Bukda makam shatai na nga wa ai majaw Miwa hpe lamu ga dut kau ya ai jaw annau ni a rawt malan shanglawt hpe shangai ya sai hpe ja ja dum gin ai. N’dai ten annau yawng a mung masa lam yan ni hpe htinggrum kata yip tawn, lup makoi tawn ai zawn , kawng garang n’na, mayun shaman shakyang ra ai. ahkyak ai ten ,sharaw marang shan sha ngu ai ladat hpe mung masa hpyen masa shamu shamawt lam hta jai lang ga. 1-Panglung gasadi hpe madung tawn n’na,mung hpawm[Federal]asuya up hkang masa de sa ga ngu tim annau ni ra awng sharawng ai masing masa tsun dan ai sha re,myen gaw dai hpe n’kam jaw ai majaw dai ni du,annau ni a lamu ga hta thung hking ngasat ngasa labau n’chye ai ga n’hkrum ai ni she kam mara up ka-myet sha mayu nga ai gaw kara hku rawt jat na. sat nat zingri roirip mya sha nga ai ni hpe kam na kun?naw pawng na kun?majan zim na lam n’nga ai the sut hpaga masa sha n’ga,lamu ga latung,Aung san baw madun n’na,mung maden masa de woi gale nga ai shada da sat hkat na majan kaba shabyin nga ai miwa shingdu de n’gun kaba dat nga dingsa,munghpawm mungdan de sa wa ga ngu ai gaw tsun yang loi ai daram galaw yang n’loi ai re hpe shaning galu hkam sha wa yu saga ai.myen myit hpraw san tsawm ai tara hkungga ai the galaw lu yang kaja ai tim, 2-Munghpawm a hpang awmdawm de ngu ai mung,n’gam the n’gam lung shakut ai masa rai nga ai myen gaw n’dai masa hpe tau hkrau n’na,myit nau tawn magang sai re jaw,gangwi ten garawt n’na,annau ni hpe n’gun kya hkra,sai garan hkra ladat kaba masing kaba shapraw nga ai .hpa wa nga tim annau ni ja gumhpraw n’gun kaba ya jang lata hta jum tawn lu yang gaw myit ai yawng awng dang na re.annau ni yawng a n’gun kaba chyawm dat sai hpe n’sawn n’sang shingdu tawn kau ai masa n’pru hkra sadi ai the grup grup de na chyawm marawn yang, 3-Awm dawm shanglawt na de she n’gun kaba mayun dat sa ra sai ngu yang mung annau ni dai ni na hta htam 2-3 n’gun kaba dat ai ya jang htu malawng kau ra ai.Ja gumhpraw mung grau n’gun dat ai the,Hpyimaw Gawlang Kumhpang Mungmau,Kala mung kaw shanu nga ai annau ni yawng maga mi hku n’gun kaba dat ai,kraw kata kaw na marawn n’gun kaba jaw lu yang awmdawm shanglawt na.dingbai dingna yawng hpe laidi kau n’na,,shingdu n’gun kaba mayun jahting ai .3-1 masa hku n’gun dat ai.969 ni a No,2 hpyen gaw annau ni re hpe dum ga.Korea a majan hta sharaw marang shan sha na masa, majan hta shawn pru wa ai laknak ni hpe mazing la n’na, gasat di la ga. Mying kaba dik nga ai 3+1 hpung shang masat la sai kun? NANG> Baren Numraw.
Posted on: Sat, 05 Oct 2013 09:14:36 +0000
Trending Topics
Recently Viewed Topics
© 2015