K deposit-ah cheng Vbch 535, Nuai 23, Sing 9, Sang 6 Aizawl:Finance Minister Pu Lalsawta chuan Deptt 23 te pawisa cheng vbc 535 nuai 23 sing 9 sang 6, K-Deposit ah dah a ni tih a sawi. Nimin Assembly rorel inkhawmah MNF member Pu Vanlalzawma zawhna chhangin Finance Minister chuan K Deposit ah hian sum dah luh a nih rualin pek chhuah reng a ni bawk a, K Deposit chu thil hlauhawm a ni hran lo a, Kum 1986 atangin kumtin dah a lo ni tawh a, Sorkar pawisa kum liamta ah khan cheng vbc 1168 nuai 32 a tling khawm hman a, hei hi tunah chuan vbc 535 chuang hretah a tla hniam tawh a ni a ti. Finance Minsiter chuan K Deposit-a Deptt hrang hrangte sum dan chu sorkar pawisa bawmpui Consolidated fund of the state atanga chhuak tawh, Financial year tawp dawna Sorkar account-a tangkafai awmin a daih siloh vanga dah a ni thin tih a sawi a, hei bakah hian scheme tam takte chu hna la thawh hman lohte an nih bawk avangin an hna thawh tur thawh zawh anih hma chuan Deptt kuta sum tam tak dah chu sorkar sum vawn dan kalh a ni bawk a, hei vang hian K-Deposit and Advances Head ah dah lailawk a tul thin a ni a ti.
Posted on: Wed, 19 Nov 2014 06:00:42 +0000