KA LAWMA, KA LAWMLO A, KA LAWM NAWN LEHA... Zirtawpni ah ka rawngbawl ve tawhna pakhatah a natna Hepatitis C chu an test nawn lehna result alo thlenga, alo negative vek mai a, an lawm em em thu min rawn hrilh chuan min tilawm em em a, Lalpan a hmanraw kil khata min lo telh ve avangin ka lawma.. Inrinni ah Fakna vanga damna thu lawmawm tak ka post a, kan thianpa dam nana Lalpa faktute zingah Lalpan min telh ve avangin lawmawm ka tiin ka hlim em em a.ka lawm leh a.. Pathianni Synod ni pawimawhah chawhnu huna Mental Health sawi a, Depression chungchangte sawi tura ruat ka nih avangin ka lawm em em a, Tun hnaiah Depression chung chang hi vawi 2 lai thu ka post avangin leh chumi rahchhuaha Depression natna nei mi engemawzat nen kan inkawm avangin leh tunhnaia ka kalna tam takah ka rinphak baka Lalpa awmpuina leh ropuina Lalpan min hmuhtir thin avangin thu sawi tha dawn hian kan inhre nasa khawp mai a. Kan sawi ta aleh.. ka rin ang reng rengin leh ka tum ang reng rengin ka sawi thei ta hauh lo maia, ka hul huk maia, a nunglo tih hi ka hre chiang lutuka, harsa ti tak leh thlantui bual pawp pawpin ka tlingtla ve hram chu ani ta ber e... Chuvang chuan ka lawm ta hauhlo. Mahse, zanah Lalpa hmaah kan thingthi a... keimah lovin engmah inti thei silo.. tih thu hi alo thleng ta tlat mai. ka hre veka, ka sawi thin, ka mihring mihrina atang ringawt hi chuan, hneh viau leh tha viau a inhriain rawngbawlna te hi han zo ve bawk thin mah ila, Amah a thlaraua a rawnin tumchawp zel anih loh chuan engmah hi mi thlarau dam nana tih theih hi ka lo neilo takzet a, engkimah Lalpa hi ngai ngawih ngawiha, tih takzeta a inpuanna hmanrua atana inpe ve tawp mai tur ka nih zia te chu nitina zir thar tir ka lo ngai ani tih Lalpan min hriattira, ka lawm lohna ngei chuan min ti lawm leh ta em em mai anih chu. Rawngbawlna thil hi chu Mihring thu nilo in Pathian thu hi anih tlat zel avangin Pathian a thu bera, a ropui ber zel theihna turin kan chhung rilah hian Lalpa lamlian kan buatsaih hmasak zel hi alo ngai si a. Lalpa ka lawm e..
Posted on: Mon, 07 Jul 2014 08:20:17 +0000
Trending Topics
Recently Viewed Topics
© 2015