KRISTA THISEN CHU ENGKIM BUL A NI: Misualte min chhandam turin Lal-Isua chu khawvel-ah hian a rawn kal a ni tih chu ka hrechiang tawh viau awm e.Mahse,Lal-Isua chu ring a,Lal leh Chhandamtua lo pawm te chauh chu chhandamin an awm dawn a ni tih hi hre reng chung pawha ka haider fo thin,thudik nisi chu a ni. LAL-ISUA kan nuna kan seng luh ni atangin Krista hmangaihna chuan kan nun pumpui chu a rawn thlak danglam vek thei a ni.Chu hmangaihna keimahni atanga rawn luangchhuak leh chuan khawtlang nun,kohhran,sorkar,politics,science,economics leh thildang tamtak te chu a siamtha thin a ni.Lal-Isua chuan mihringte leh an mahnia bet tel thildang zawng zawngte pawh a siamtha thei a.Krista thisen chauhvin kohhran,khawtlang leh ram a siamtha thei asin. Chu siamthatna hna chu tu mawhphurhna nge ni?.Ram hruaitute ,khawtlang hruaitute leh kohhran hruaitute chauh em ni mawhphur bik ang?A nilo,kan zavai hian mawhphurhna kan nei theuh asin.Nang leh kei atanga bul kan tan thar hun tawh takzet a ni,midangin ti se kan tih chhung chuan engmah kan siamtha thei lo ang.Chuvangin,kan zavai hian lungrual taka thawk hovin sual i do tlang ang u.Lungrualna chuan thawh hona tha a hring a,chu chuan pumkhatna a hring a,pumkhatna chuan chakna a hring chhuak thin.Krista Thisen chuan lungrualna-in min suihfin mawlh rawh se...@
Posted on: Thu, 04 Dec 2014 10:53:01 +0000
Trending Topics
Recently Viewed Topics
© 2015