Ka lo tawn hriat pakhat chauh kan tarlang ve leh ang e... 2002 kum August thla khan, thlarau sualin min bei a, chu tih lai chuan ka rilruin Pathian thu chu a hre ngei mai a... Rom 8:31- atanga intan, Kristaa Pathian hmangaihna tih thu vel hi ka mitthlaah hian chiang tak maiin a lang uar a ni. Chung thute chu ka hria a, mahse, min beitu chuan engah mah a ngai lo khawp mai. Ka tawngtaia, Nazareth Isua Krista hminga ka phuar chiah chu, chunglam ata hliahkhuhna a lo thleng nghal a, automatic-in a kiang nghal a ni. Chu min hliahkhuhna chu ka taksa hian a feel a, hai rual a ni mawlh lo. Kan sawi duh chhan chu, Amah ( Lal Isua ) thiltihtheihnaa intulut si lo hian Pathian thu hriat tam leh hriat ril tumna lama tlan vak hi engmah a nih lohzia kan hriat tlan atan tih hi a ni e. Sawi tur hi a va tam em! Thu ziak lah ka thiam bawk si lo. Ka rawn sawi duh chhan tak pawh ka sawi chhuak pha lo mai thei. Mahse, Pathian ropui nan hlan a ni tho mai. Engkim mai hi ama ta a ni a, ama ropui nan a ni bawk si a. Amen. Kan buante hi tisa leh thisen an ni si lo, lalnate leh thuneihnate leh he thim chunga khawvel roreltute leh van hmunahte thlarau sualho awmte an ni zawk e... Eph 6:12-
Posted on: Mon, 11 Nov 2013 05:36:26 +0000
Trending Topics
Recently Viewed Topics
© 2015