Kaiga Tuvalu fb. Tenei te muna ke takitaki kiei te aso o tatou takitokotasi.Mai Rev.Telematua. Manuia tatou ite alofa tauanoa ote Atua Talofa te malu ote fale o tatou ite taeao matagofie tenei ko manuia mai te kausakiga ne alo mai iei tatou ite po katoa i tena alofa matalasi mo tatou ana fanau. E fakafetai atu iei tatou kite Atua mo tena tusaga gali kae taua e fai faeloa ne ia mo tatou ko tena alofa tausi mai ke ola tatou. Malo te Atua. Maua te muna e fakalaga ki iei a fakamoemoega o tatou takitokotasi au a galuega mo akoakoga ote aso tenei ka uia ne tatou e fai penei, Fakaasiga 22.13- Ko au kote Alefa mo te Omeka. kote Tino muamua mote Tino Fakamuli, ko te kamataga mo te fakaotiga. ULU- KAMATA TE ASO MOTE TE ALIKI FAKAOTI FOKI TE ASO MO IESU A IESU E TAU O KAMATA KAE FAKAMUAMUA I TOU MEA KATOA E FAI KO IA FOKI E TAU O FAKAOTI KI IEI TOU MEA KATOA E FAI ITE ASO Te lasiga o taimi tatou e fetuliaki ki galuega mo akoakoga mo fonotaga mo nisi o mea kola e manako tatou ki iei ke fai ite aso kae ko puli magalo i loto mo tou mafaufau o sala kite pogai ote taimi tela e tau o kamata ki iei a tou fakamoemoega, E pena foki kafai ko manavanava mai tatou me ko oti ne fakataunu a mea kola e manako tatou ki iei ko puli foki ia tatou o sala kite pule ote taimi ke fakaoti ki iei tou aso.... Te fakamalosiga mo te fakamasauga kite fale o tatou koi tuai koe o lele o fano o fai ou faiva ite aso kae useuse i alaga manuia ote olaga tenei masaua me isi se tino e tau o kamata ki iei te aso e pena foki te fakaotiga o tou aso(e seai aka foki na ko Iesu Keliso, kafai e tuku ne koe ko ia ke mua i au mea katoa e fai ite aso kae ka matea ne koe mo au a tena alofa ka ligi mai ki a koe.
Posted on: Wed, 06 Nov 2013 20:03:22 +0000
Trending Topics
Recently Viewed Topics
© 2015